16.02.2020 / 11:05

У Фаніпалі чатырохмесячнае дзіця было зачынена ў аўто. Работнік ДАІ кінуўся ў суседнюю вёску і прынёс маці запаветны ключ 8

Здарэнне адбылося днямі ў Фаніпалі. Інспектар ДПС аддзела ДАІ Дзяржынскага РАУС капітан міліцыі Дзяніс Буткевіч выехаў у Фаніпаль: паступіла паведамленне, што на прыпынку на Камсамольскай стаяць аўтамабілі з парушэннем правіл дарожнага руху, паведамляе абласная міліцыя.

Прыбыўшы на месца, інспектар убачыў, што ўладальніца аднаго з аўто стаіць побач з машынай, але адкрыць яе не можа, бо не працуе замок. Як аказалася, гаспадыня машыны паставіла на пярэдняе пасажырскае сядзенне пераноску з дзіцем. Пакуль яна абыходзіла аўтамабіль, каб сесці за руль, замок выпадкова зачыніўся. Пасля гэтага ў аўтамабіль яна патрапіць не магла, бо наяўным у яе ключом аўтамабіль не адчыняўся.

Жанчына баялася пакінуць дзіця аднаго і папрасіла супрацоўніка ДАІ з'ездзіць да яе ў інтэрнат у в. Тамковічы па запасны ключ. Інспектар ДПС аператыўна прывёз яго, і кіроўца нарэшце змагла трапіць у сваю машыну да дзіцяці.

Улічваючы перанесенае мамай хваляванне, інспектар абмежаваўся правядзеннем прафілактычнай гутаркі і вуснай заўвагай за парушэнне правілаў прыпынку і стаянкі.

Хочаш падзяліцца важнай інфармацыяй ананімна і канфідэнцыйна?

NN.by

1
Павел Ас / Адказаць
16.02.2020 / 11:15
Вось ёсць жа людзі. Якія ПА ЧАЛАВЕЧЫ ставяцца да іншых людзей!!!
113
Кажыма праўду / Адказаць
16.02.2020 / 11:32
Правільныя дзеянні адказнага праваахоўніка: разбіць шыбу, каб дастаць дзіцятка і адправіць у прытулак; маці пад варту на час вырашэння пытання аб пазбаўленні бацькоўскіх правоў; аўтамабіль эвакуатарам на штрафстаянку.
9
Алесь Раткевіч / Адказаць
16.02.2020 / 12:34
Кажыма праўду,Як жа цяжка вам на Свеце жыць!!! Вельмі вам і вам падобным, спачуваю! 
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру