17.02.2020 / 13:34

Міністр фінансаў: Рыхтуецца ўказ па зменах у выплаце дарожнага збору 6

Пра гэта распавёў журналістам кіраўнік ведамства Максім Ермаловіч, піша БелТА.

«Мы працуем над падрыхтоўкай праекта ўказа, які трохі змяняе сістэму збірання платы за дарожную інфраструктуру, устанаўлівае больш справядлівы механізм яе выплаты для тых людзей, якія непастаянна выкарыстоўваюць транспарт, — расказаў міністр. — Але ў цэлым гаворка ідзе аб захаванні існуючага парадку выплаты дарожнага збору з пашырэннем льгот для асобных катэгорый, зменай перыядычнасці выплаты, зніжкамі для тых, хто гатовы аплачваць на даўжэйшы тэрмін».

Па словах Максіма Ермаловіча, змены ў цэлым накіраваны на паляпшэнне існуючай сістэмы. «Такі праект указа Міністэрства фінансаў падрыхтавала, уносіць яго на разгляд урада. Будзем абмяркоўваць і дакладваць кіраўніку дзяржавы», — сказаў ён.

Міністр удакладніў, што, на думку Мінфіна, дарожны збор будзе адвязаны ад праходжання тэхагляду. «Будзе іншая сістэма кантролю. Разглядаюцца варыянты, калі будзе тэхнічная гатоўнасць да ўвядзення новай сістэмы. Акрамя таго, будуць устаноўлены больш справядлівыя і прымальныя для насельніцтва механізмы выплаты», — дадаў Максім Ермаловіч.

Хочаш падзяліцца важнай інфармацыяй ананімна і канфідэнцыйна?

8
Inav / Адказаць
17.02.2020 / 15:09
Чаму нельга ўключыць дарожны збор у кошт паліва? Аўтаматычна атрымаўся б бонус для электрамабіляў, што таксама карысна.
1
Pauliuk / Адказаць
17.02.2020 / 16:32
Inav, таму што гэта акцыз, а акцыз у нас ужо ў кошце паліва. Каб садраць дадатковыя грошы з аўтааматараў увялі і дарожны збор. Хутка будзем плаціць і Белтолу, але можа скідку зробяць, як грамадзянам. Пасля выбараў грамадзяне РБ будуць і нафтай і газам для ўладаў...
1
Прохожий / Адказаць
17.02.2020 / 17:28
Давайце "яшчэ адну сістэму кантролю"!!! - ;))))))))))) - няма слоў!!!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру