Здарэнне адбылося яшчэ 12 лістапада на канцэрце рок-групы «Назарэт», што прайшоў у мінскім Палацы Рэспублікі. Кампанія сяброў назірала за канцэртам з ложы. У адзін з момантаў мужчыны пачалі танцаваць, размахваючы рукамі і уключаючы ліхтарык, паведамляе генпракуратура.
На такія паводзіны 27-гадовы кантралёр установы зрабіла заўвагу, прапанавала прайсці ў партэр, дзе дазвалялася танцаваць.
Аднаму з мужчынаў заўвага не спадабалася. Ён схапіў дзяўчыну за шыю і тулава, а пасля ўдарыў галавой аб крэсла ды адцягаў за валасы.
Потым гэты 46-гадовы мужчына заявіў, што не зразумеў словы пацярпелай. А паколькі тая не адказала на яго пытанні, ён ужыў да яе гвалт.
Абвінавачаны прасіў вызваліць яго ад крымінальнай адказнасці і прымяніць меры адміністрацыйнага ўздзеяння — пракурор раёна адхіліў такое хадайніцтва з-за дзёрзкасці злачынства.
Пракуратура Цэнтральнага раёна прыйшла да высновы аб абгрунтаванасці абвінавачання і пагадзілася з прававой кваліфікацыяй зробленага па ч. 1 арт. 339 Крымінальнага кодэкса. Справа аб хуліганстве накіравана ў суд.