17.03.2009 / 13:47

Місевіч пробашчам у Бягомлі 16

У 18 гадзін 15 сакавіка ў Глыбоцкім касцёле адбылася развітальная імша, на якой глыбачане развітваліся з ксяндзом Віктарам Місевічам. Дэкрэтам біскупа Віцебскай дыяцэзіі Віктар Місевіч прызначаны пробашчам у Бягомль. На набажэнстве прысутнічала шмат людзей. Было выказана шмат цёплых слоў у адрас ксяндза Віктара.

Ксёндз Віктар працаваў у Глыбокім вікарыем усяго толькі паўтара года, але паспеў вельмі шмат зрабіць за гэты час. Ён шмат працаваў з дзецьмі, моладдзю. Глыбоцкі касцельны гурт «Радасць» запісаў дыск «Крылы сэрцам дай», дзе таксама ёсць песні ксяндза‑барда Віктара. Шмат пісаў ён і для сайта westki.info. Працаваў ксёндз Віктар і над сайтам Глыбоцкай парафіі. У заключным слове ён выказаў пажаданне, каб яго праца была закончана.

Працаваць на новым месцы ксяндзу Віктару будзе няпроста. На нядзельнай імшы ў Бягомлі прысутнічалі толькі 12 чалавек. На новым месцы няма яшчэ Інтэрнэту. Але ў хуткім часе ксёндз Віктар спадзяецца яго мець.

У заключэнне хацелася б пажадаць ксяндзу Віктару поспехаў у справе адраджэння веры, маралі, духоўнасці на нашай зямлі. З Богам!

0
нацыяналіст / Адказаць
17.03.2009 / 13:57
Загаловак можна б было зрабіць і больш прыстойны.
0
Артур / Адказаць
17.03.2009 / 16:39
Ну вось Вам і рэальная праца ксяндза Булькі. Падалей засунуць нацыянальна свядомых святароў. Аб чым вельмі шмат пісалася, а тут вось і выскачыў плён ягонай працы:)
0
wint / Адказаць
17.03.2009 / 23:18
Вось як. А дзе касьцел у Бегамлі? Няўжо там, дзе гасьцініца некалі была. Але, здаецца, нейкія баптысты тую будыніну прыдбалі. Паеду праз тыдзень да маці ў Бегамле, дык схадзіў бы на імшу, але куды? Дарэчы ў Бегамле, што датычыць праваслаўных сьвятароў, дык часта такіх клоўнаў прысылаюць, потым усе мястэчка абмяркоўвае іхныя п'яныя прыгоды. Рэд. Бегамле - гэта фактычная палітычная ссылка. Там і касцёла няма, у нейкай паветцы служаць. Дайце мэйл - дашлём кантакт святара.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру