Самы багаты чалавек у свеце стварыў фонд па барацьбе з «галоўнай пагрозай Зямлі». І дае на гэта $10 млрд
Фота з інстаграма
Заснавальнік кампаніі Amazon Джэф Безас, які лічыцца самым багатым чалавекам у свеце, стварыў фонд па барацьбе са зменай клімату. Пра гэта ён напісаў у сваім Instagram.
Мільярдэр адзначыў, што змяненне клімату з'яўляецца «самай вялікай пагрозай для нашай планеты». Ён мае намер выдзеліць «Фонду Зямлі Безаса» 10 мільярдаў даляраў. Сродкі з фонду будуць выдзяляцца навукоўцам, актывістам і няўрадавым арганізацыям, якія працуюць над гэтай праблемай. Безас пачне выдаваць гранты летам.
Таксама мільярдэр звярнуўся да буйных і невялікіх кампаній, урадаў розных дзяржаў, міжнародных арганізацый і простым людзям з заклікам змагацца са змяненнем клімату. «Зямля — гэта тое, што нас усіх аб'ядноўвае — давайце абараняць яе разам», — сказаў Безас.
Дзмітрый Лукашэнка хоча паставіць пад кантроль усе мабільныя тэлефоны11
Каментары