Аляксандр Лукашэнка разлічвае на дамоўленасці з «Раснафтай» аб далейшым супрацоўніцтве. Пра гэта ён заявіў сёння на сустрэчы з галоўным выканаўчым дырэктарам, старшынёй праўлення НК «Раснафта» Ігарам Сечыным, піша БелТА.
«Дзякуй, што прыехалі. Хаваць няма чаго — хацеў бы абмеркаваць з кіраўніком найбуйнейшай нафтаздабываючай публічнай кампаніі сітуацыю, якая складваецца ў нас ва ўзаемаадносінах, можна сказаць, Беларусі і Расіі па нафце. Ведаю, што вы ў курсе справы, але было б няправільна нават не параіцца па асобных пытаннях, як дзейнічаць далей і як працаваць, у тым ліку і з «Раснафтай». Бо ў мінулым годзе вы ў Беларусь паставілі ні многа, ні мала — палову нафты, якую мы куплялі ў Расіі. Перапрацавалі тут у нас, у Беларусі», — сказаў кіраўнік краіны.
«Хацелася б поўнай яснасці. Думаю, карыстаючыся тым, што мы даўно ведаем адзін аднаго, вы і падкажыце нешта, і мы зможам дамовіцца аб далейшым нашым супрацоўніцтве», — дадаў Аляксандр Лукашэнка.
«Раснафта» — лідар расійскай нафтавай галіны і найбуйнейшая публічная нафтагазавая карпарацыя свету.
Ігар Сечын заявіў, што настроены на канструктыўныя перамовы з Лукашэнкам.
Кантракты на пастаўку ў Беларусь расійскай нафты завяршыліся 31 снежня 2019 года. З тых часоў бакі вядуць перамовы аб іх падаўжэнні. З 4 студзеня за пастаўкі сыравіны ў краіну аднавілі падкантрольныя расійскаму бізнесмену Міхаілу Гуцэрыеву кампаніі «РуссНефть» і «Нефтиса». Акрамя таго, першая партыя нарвежскай нафты паступіла 26 студзеня на НПЗ «Нафтан».
7 лютага прайшлі чарговыя перамовы з удзелам прэзідэнтаў Беларусі і Расіі, па выніках якіх было заяўлена, што Мінск і Масква працягнуць абмяркоўваць пастаўкі нафты выключна на камерцыйных умовах.
Цяпер чытаюць
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»9
«Аб беларускіх аўтараў выцерлі ногі». Курэйчык і Марыніч судзяцца за серыял «Акрэсціна»
Навуковец распавёў пра геалагічныя загадкі Беларусі: іртуць з зямлі і кратар ад падзення метэарыта, які знішчыў усё жывое ў радыусе тысяч кіламетраў99
Каментары