19.02.2020 / 15:52

«Я не думаў, што так закруціцца!» Хлопцу пагражае калонія за продаж фэйкавых квіткоў на Макса Каржа 13

Следчы камітэт шукае пацярпелых па справе аб продажы квіткоў на канцэрт Макса Каржа.

Сутнасць справы такая: 23-гадовы хлопец з красавіка па май 2019 года размяшчаў у сацсетках інфармацыю аб продажу квіткоў на канцэрт Каржа. У некаторых выпадках пацярпелыя пералічвалі грошы на банкаўскую карту, у іншых — аддавалі асабіста.

Падазраваны Аляксандр

«Пасля атрымання грошай падазраваны абяцаў сустрэцца і перадаць квіткі, але ў далейшым неаднаразова пераносіў сустрэчы і пераставаў выходзіць на сувязь. Малады чалавек не меў магчымасці і не меў намер выконваць прынятыя на сябе абавязацельствы, паколькі квіткоў у яго не было. Пацярпелымі па крымінальнай справе прызнаны шэсць грамадзян, якім нанесеная шкода на агульную суму больш за 400 рублёў», — паведамляе СК.

«Наша Ніва» знайшла хлопца. Аляксандр Будай родам з Беразіно. Сёння ён кажа, што ўсё «выпадкова так атрымалася».

Будай працуе будаўніком. Кажа, заробак — каля 700-800 рублёў.

«Мне былі патрэбныя грошы. На што? Ну… на сябе, можна сказаць.

Я хацеў такім чынам узяць часова грошы. Ну кшталту як крэдыт. Нічога лепшага не прыдумаў. Пасля б вярнуў — хавацца я не збіраўся, — кажа Будай. — Але я не думаў, што ўсё так закруціцца».

Цяпер на Аляксандра завялі крымінальную справу за махлярства, яму пагражае да 3 гадоў калоніі. Пакуль што хлопец на волі, пад падпіскай. Спадзяецца на мінімальнае пакаранне.

«Грошы я вярнуў, але яшчэ не ўсе. Я ў працэсе.

Спадзяюся, што дадуць мне штраф нейкі. Бо не хочацца, каб праз сваё глупства вось прам так… Я думаю, гэта ж была не асабліва сур’ёзная сума.

Канечне, я шкадую, што нарабіў усё гэта. Адзін раз аступіўся праз сваё глупства — пасля будзеш шкадаваць да канца жыцця»,— падсумоўвае Аляксандр. 

Хочаш падзяліцца важнай інфармацыяй ананімна і канфідэнцыйна?

УШ

4
Чебаркуль / Адказаць
19.02.2020 / 17:47
Лучше писать не "фэйкавых", а "фальшывых".
11
Вікент / Адказаць
19.02.2020 / 18:12
Будай жадаў зрабіцца пекарам
Каржы ён прадаваць жадаў
Але печ каржы няўмеха ён 
І за каржы атрымаў трыбунал. 

Цвердазуб 2020
1
цывильны / Адказаць
19.02.2020 / 18:41
хотел денег на халяву получить-срок реальный огребет,мошенники все как бы случайно деньги получают,а потом "дурня включить" пытаются,прикидываясь шлангами и наивными
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру