20.02.2020 / 15:43

Беларусь чакае два танкеры з нафтай. Але краіна-экспарцёр трымаецца ў сакрэце 15

Беларусь чакае два танкеры нафты з перавалкай у Літве, паведамляе Інтэрфакс.

«Так, пацвярджаю», — заявіў прэс-сакратар канцэрна «Белнафтахім» Аляксандр Цішчанка.

Разам з тым ён адзначыў, што пакуль не можа назваць краіну-прадаўца нафты.

Раней BNS са спасылкай на «Літоўскія чыгункі» (Lietuvos gelezinkeliai) паведаміла, што ў Клайпеду ў сакавіку прыйдуць яшчэ два грузы нафты для Беларусі — два танкеры даставяць па 85 тыс. тон нафты.

Па словах прадстаўніка чыгуначнай кампаніі Марцінаса Бурбы, нафтатрэйдар «Беларуская нафтавая кампанія» (БНК) інфармаваў чыгунку, што танкеры чакаюцца 3-4 сакавіка і 13-15 сакавіка.

Менеджар Klaipedos nafta (аператар нафтатэрмінала ў Клайпедзе) па камунікацыі Арынта Баркаўскайце сказала BNS, што пакуль незразумела, адкуль прыйдзе нафта, невядомыя таксама і назвы танкераў.

Lietuvos gelezinkeliai плануе перавозіць з Клайпеды да беларускай мяжы па 100-150 вагонаў з нафтай у суткі.

Напрыканцы студзеня ў Клайпеду прыйшло першае судна з нарвежскай нафтай для Беларусі. Аб'ём партыі складае 86 тыс. тон, гэта нафта гатунку Johan Sverdrup. Уся нафта будзе перапрацаваная на «Нафтане».

Хочаш падзяліцца важнай інфармацыяй ананімна і канфідэнцыйна?

8
Бел / Адказаць
20.02.2020 / 15:56
Нельга раскрываць, што купілі ў Ірана, бо ЗША санкцыі на Беларусь накладзе...
1
Aндрэй Люты / Адказаць
20.02.2020 / 16:06
Добрая навiна!

Пытанне толькi ў тым цi па добрым кошце ...
5
Палкоўнiк Зэман. / Адказаць
20.02.2020 / 16:15
А танкеры са снегам не плывуць? Чэмпіянат па бiятлоне пад пагрозай.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру