Бабруйскі хакер краў уліковыя даныя карыстальнікаў. Шкода — $5 мільёнаў
Жыхар Бабруйска на працягу двух гадоў прадаваў выкрадзеную асабістую інфармацыю грамадзян, паведамляе Следчы камітэт.

Мужчына здзяйсняў кібератакі на розныя інтэрнэт-сэрвісы, якія належаць буйным банкам і плацежным сістэмам: Amazon, Airbnb або PayPal. Выкарыстоўваючы шкоднае праграмнае забеспячэнне, бабруйчанін атрымліваў даныя для ўваходу ў акаўнты карыстальнікаў, а пасля прадаваў іх за крыптавалюту. Усяго ад нападаў мужчыны пацярпела каля 300 рэсурсаў.
Кліентамі бабруйскага хакера былі грамадзяне з усяго свету: купляючы ў яго лагіны і паролі ад чужых акаўнтаў, яны выкарыстоўвалі іх для ашуканскіх аперацый і за 2 гады скралі прыкладна 5 мільёнаў даляраў. Сам кіберзлачынец «зарабіў» каля 60 тысяч даляраў.
Мужчыну далі 1 год пазбаўлення волі з адтэрміноўкай пакарання.
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары