21.02.2020 / 14:06

«Ад 80 да 150 рублёў»: ад пачатку года выраслі заробкі ў сілавікоў 12

Ва ўсіх сілавых структурах у новым годзе падраслі заробкі, людзі ацэньваюць павелічэнне ў 10-15%

Дадатковыя 80-150 рублёў за студзень 2020 года атрымалі работнікі Пракуратуры, Следчага Камітэта, міліцыі, Пагранічнага камітэта. Пра павышэнне акладаў кажуць таксама вайскоўцы і ратавальнікі. 

«Базавы аклад павялічаны на 12,8%, з 195 да 220 рублёў. Надбаўкі за выслугу і іншыя даплаты лічацца ў працэнтах ад базавага акладу», — тлумачыць «Нашай Ніве» работнік Следчага камітэта. 

«У мяне быў заробак 800 рублёў, цяпер 920», — кажа шараговы работнік сталічнай міліцыі без афіцэрскага звання. 

«У мяне заробак падрос недзе на 12%, — расказвае «Нашай Ніве» афіцэр міліцыі. — А для шараговага складу аддзялення ўнутраных спраў увялі надбаўкі. Яны выплачваюцца аператыўнікам ці ўчастковым, якія працуюць у аддзелах, дзе ёсць вакансіі. Таму ў рэальнасці маюць большую нагрузку».

Пра рост заробку прыкладна на 100 рублёў кажуць таксама пагранічнікі, гэтае павышэнне без дакладных лічбаў пацвердзілі ў прэс-службе Пагранічнага камітэта. 

Ратавальнікі кажуць, што заробак вырас на 80-120 рублёў. 

«У нас усё залежыць ад акладу, паднялі яго — і ўсё аўтаматам уверх», — патлумачыў пажарны. 

Павышэнне акладаў і наступны рост заробкаў заўважылі і вайскоўцы. 

Адметна, што павышэнне адбылося на фоне «новай сістэмы» налічэння заробкаў некаторых бюджэтнікаў, вынікам чаго стала скарачэнне сумаў — асабліва на парэзаныя заробкі наракаюць настаўнікі і работнікі культуры.

Чытайце таксама: Бюджэтнікам налічылі заробкі па новай сістэме. Што атрымалі людзі і як рэагуюць на змены?

«Нашай Ніве» таксама вядомыя выпадкі, калі ў сем'ях мужа-афіцэра і жонкі-настаўніцы супольны дабрабыт не змяніўся, бо заробак жонкі зменшыўся прыкладна на суму павышэння мужа. 

Хочаш падзяліцца важнай інфармацыяй ананімна і канфідэнцыйна?

АЯ 

2
Мiця Выкручанскi / Адказаць
21.02.2020 / 14:37
...это "опора власти" -- все работают !...ОНИ получают !...ждут команды -"фас".!
0
счётчик Гейгера / Адказаць
21.02.2020 / 14:55
а студзень 2020 года атрымалі работнікі Пракуратуры, Следчага Камітэта, міліцыі,
https://nn.by/?c=ar&i=246484

Конкретно готовиться диктатор к избирательному фарсу-2020.
3
даведка / Адказаць
21.02.2020 / 14:57
Соответственно выросли и пенсии у миллиона силовиков. Но это мало, перед выборами нужно еще раз хорошенько поднять зарплаты, чтобы у них был стимул махать дубиналом по собственным гражданам. 
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру