21.02.2020 / 17:02

Стала вядома, у якія гарады найперш паедуць удзельнікі праймерыз ад апазіцыі 21

Удзельнікі праймерыз па абранні адзінага кандыдата ад апазіцыі вызначыліся з маршрутамі паездак па краіне. Першым горадам, куды адправяцца магчымыя кандыдаты, стане Гарадок у Віцебскай вобласці.

Злева направа: Мікалай Казлоў, Юрась Губарэвіч, Ганна Канапацкая, Аляксей Янукевіч, Вольга Кавалькова і Павел Севярынец

«Напярэдадні мы прапрацавалі дзесяць маршрутаў па краіне, якія ўключаюць у сябе аўторкі, пятніцы, суботы і нядзелі. Аўторак — гэта адзінкавы выезд, а пятніца-нядзеля — з начоўкамі. У агульным плане такім чынам каля 50 гарадоў», — кажа кіраўнік штаба па правядзенні праймерыз, старшыня БСДП Ігар Барысаў.

Палітык кажа, што было вырашана, што найперш будуць скарыстаныя маршруты, дзе ёсць абласныя гарады. Такім чынам з дзесяці маршрутаў было абрана чатыры прыярытэтныя.

«На паперках напісалі нумары маршрутаў, далі кіраўніку кантрольнай камісіі Пятру Голасаву выцягнуць, такім чынам ён вызначыў, што першым горадам будзе Гарадок 6 сакавіка».

У тую самую паездку апазіцыянеры наведаюць Віцебск, Полацк і Наваполацк (7 сакавіка), Паставы, Шаркаўшчыну і Мёры (8 сакавіка). Лепель удзельнікі праймерыз наведаюць 10 сакавіка.

Пасля Віцебскай вобласці накіруюцца ў Брэсцкую. 13 сакавіка ахвотныя стаць адзіным кандыдатам прыедуць у Бярозу. Брэст і Драгічын пазначаны ў планах на 14 сакавіка, а Пінск і Столін — 15-га. У Баранавічах апазіцыянеры будуць 17 сакавіка.

Пакуль дакладна вызначыліся з двума гэтымі маршрутамі.

Хочаш падзяліцца важнай інфармацыяй ананімна і канфідэнцыйна?

ЗП

7
Вацлаў / Адказаць
21.02.2020 / 17:06
А вось гэты постар на сьцяне - гэта каб на фотаздымках досыць разумным падавацца?
31
Мацей Бурачок / Адказаць
21.02.2020 / 18:00
Цирк бродячий из клоунов.
4
шлёма / Адказаць
21.02.2020 / 18:01
Здесь куда они поедут совсем не важно. Важно сколько людей придут на встречу, сколько людей поддержат их.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру