21.02.2020 / 21:06

Замежнікі па падробленых дакументах арандавалі ў Мінску аўтамабілі і знікалі 3

Супрацоўнікі крымінальнага вышуку сталічнага ГУУС затрымалі двух грамадзян адной з сумежных краін, якія кралі пракатныя аўто ў Мінску, паведамляе МУС.

З кастрычніка 2019 года пацярпелі тры мінскія фірмы. Ва ўсіх выпадках схема была аднолькавай: пасля афармлення дакументаў на арэнду даволі дарагіх машын арандатары знікалі разам з транспартнымі сродкамі.

Аператыўнікі высветлілі, што да ўсіх крадзяжоў датычны адзін мужчына — каардынатар. Ён тройчы прыязджаў у Беларусь і кожны раз прывозіў з сабой новага чалавека. Каардынатар забяспечваў яго фальшывымі дакументамі і плаціў каля $250, каб той аформіў арэнду на сябе. Сам пры гэтым заўсёды заставаўся ў цені.

Такім спосабам скралі тры аўтамабілі агульным коштам каля 80 тысяч рублёў. Сталічныя сышчыкі затрымалі каардынатара і падстаўную асобу падчас чацвёртага візіту ў краіну. Завялі крымінальную справу.

Хочаш падзяліцца важнай інфармацыяй ананімна і канфідэнцыйна?

NN.by

13
Брыдкая пачвара / Адказаць
22.02.2020 / 10:21
Калі злачынства робіць расеец ,то так і пішуць , а калі паляк ці украінец ,то «грамадзянін адной з сумежных краін»?!
0
Андрюха Горец (Беларусь Витебск ) / Адказаць
22.02.2020 / 12:49
Пора  закрывать границу  РФ !
0
Хэльвіг / Адказаць
22.02.2020 / 12:55
Брыдкая пачвара, Памыляецеся, шаноўны, ніякім чынам не жадаю абяляць палякаў ды іншых украінцаў, карыстаючыся вашай тэрміналёгіяй, сярод іх таксама ёсьць шмат мярзотнікаў. Але мне здаецца, што пра такую схему крадзяжоў пракатных аўта пісалі раней, і як гэта ня дзіўна, там удзельнічалі менавіта вашыя "культурныя і шляхетна выхаваныя" расейцы. Развязаньне простае - паўнавартасная мяжа на Ўсходзе, бо як паказваюць апошнія падзеі т.зв. Саюзная дзяржава - гэта ашуканства і лухта, якую выкарыстоўвае Расея каб прысабечыць нашу краіну. Але для кіраўніка Беларусі гэта ня вартая ўвагі драбяза, зараз галоўнае назьбіраць сьнегу на ЧЭ па біятлоне.
Каб пакінуць каментар, калі ласка, актывуйце JavaScript у наладах свайго браўзеру