22.02.2020 / 12:36

На паляванні застрэлілі бізнэсмена. Сваякі ківаюць на кіраўніка Докшыцкага раёна 44

У Докшыцкім раёне загінуў бізнэсмен Валер Янчак. Ён дырэктар будаўнічай кампаніі «ЯВГ-сэрвіс». Назва бізнэсу ўтвораная ад абрэвіятуры яго імені, імені па бацьку і прозвішча.

Інфармацыю пра трагічную гібель бізнэсмена «Нашай Ніве» пацвердзілі яго жонка і пляменніца.

Валерыю Янчаку было 37 гадоў.

Валер Янчак, фота Ok.ru

Абставіны гібелі пакуль невядомыя. Але сваякі Янчака кажуць, што трагедыя здарылася на паляванні, а ў бізнэсмена выпадкова стрэліў старшыня Докшыцкага райвыканкама Алег Пінчук.

Цікава, што старшыня райвыканкама не затрыманы. 

«Наша Ніва» звязалася з Пінчуком. Ён катэгарычна адмовіўся гаварыць на гэтую тэму.

Сваякі загінулага таксама пакуль падрабязна не каментуюць трагедыю.

«Уся сям’я ў шоку, ніхто не чакаў такога выніку. Цяпер усе ў доме маці Валера, там пры ёй дзяжурыць хуткая», — распавяла «Нашай Ніве» цёшча Андрэя Янчака, роднага брата загінулага.

Старшыня Докшыцкага райвыканкама Алег Пінчук. Фота Sb.by

Пра гэтую трагедыю паведаміў і Следчы камітэт. Завялі крымінальную справу па ч.1 ст.144 (прычыненне смерці па неасцярожнасці). Высвятляюцца абставіны здарэння.

Хочаш падзяліцца важнай інфармацыяй ананімна і канфідэнцыйна?

УШ

30
Доктар / Адказаць
22.02.2020 / 13:10
Колькі можна займацца забойствам бедных жывёлаў!? Першабытныя людзі хіба?
9
Алесь Раткевіч / Адказаць
22.02.2020 / 13:15
А хто ш яго затрымае?!Ён жа вертыкальшчык і вінаватым не можа быць!  Загінулы будзе сам вінаваты. (сышоў з нумара, нечакана з кустоў выскачыў, зачапіўся, паваліўся,не разрадзіўся і г.д. і т. п.) 
12
Электробус Vulgaris / Адказаць
22.02.2020 / 13:32
Гэта мусіць была барацьба за ТРОН?
Паказаць усе каментары/ 44 /
Каб пакінуць каментар, калі ласка, актывуйце JavaScript у наладах свайго браўзеру