22.02.2020 / 16:27

Жанчына ў Аршанскім раёне купіла цыгарэты, а там была ртуць 13

МНС паведаміла, што ў цыгарэтах, якія жыхарка вёскі Бабінічы Аршанскага раёна купіла ў мясцовай краме, была ртуць. З-за высокай колькасці пароў гэтага металу ў паветры ў жыллі прыйшлося адсяліць шматдзетную сям'ю, цяпер яна ў бальнiцы, паведамляе ведамства.

Падрабязнасці інцыдэнту паведамляў Tut.by. Валянціна, жыхарка вёскі Бабінічы Аршанскага раёна, купіла ў мясцовай краме блок цыгарэт. Падчас курэння яна перыядычна заўважала, што некаторыя з цыгарэт патрэсквалі, а потым згасалі. Сяброўка Вольга прапанавала адну з іх разабраць. Унутры жанчыны ўбачылі невялікія шарыкі і выказалі здагадку, што гэта ртуць.

Увечары 21 лютага Вольга патэлефанавала ў МНС і паведаміла пра знаходку. Ратавальнікі канфіскавалі цыгарэты з ртуццю, змясціўшы іх у шкляны посуд. Супрацоўнікі МНС праверылі і дом Вольгі, але там было ўсё ў парадку.

У доме Валянціны, якая і купіла блок цыгарэт, канцэнтрацыя пароў ртуці перавышала дапушчальную норму ў 150 разоў. Пры гэтым сам метал не знайшлі.

У Валянціны з мужам — шматдзетная сям'я: у іх шасцёра дзяцей ва ўзросце ад 5 да 19 гадоў. Маці з дзецьмі накіравалі для абследавання ў бальніцу. А муж жанчыны будзе жыць у іншым сваім доме — у суседстве.

Хочаш падзяліцца важнай інфармацыяй ананімна і канфідэнцыйна?

6
Ізя Кацман / Адказаць
22.02.2020 / 16:34
Курыць шкодна для здароўя. Папярэджваюць жа на кожным пакунку.
2
любите родину мать вашу / Адказаць
22.02.2020 / 16:52
чаму на фота "замазалі" паперу ад цыгарэты? (пытаньне рытарычнае). трэба наадварот, зрабіць антырэкламу гэтай тытунёвай фабрыке (незалежна ад дзяржавы, дзе яна знаходзіцца). бо як аказваецца, паленьне не толькі небяспечна для вашага здароўя, а нават і для жыцьця - вашага і вашых родных і блізкіх! ня трэба маляваць на пачках чорныя, атручаныя паленьнем лёккія - напішыце лепей, што ў цыгарэтах магчыма ўтрыманьне шарыкаў ртуці! і праз некаторы час гэтую фабрыку прыйдзецца зачыняць...
1
Скураныя крылы / Адказаць
22.02.2020 / 17:32
МНС, лекары сваю справу зрабілі. Хто далей? МУС, КДБ, ці на асабісты кантроль?

Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру