Фота Моці Леўтан
Амерыканскі кінарэжысёр Квенцін Таранціна і яго жонка мадэль і спявачка Даніэла Пік сталі бацькамі, паведамляе vesty.co.il.
Роды прайшлі ў клініцы ў Тэль-Авіве. Па некаторых звестках, у пары нарадзіўся сын. Для 56-гадовага рэжысёра і яго 35-гадовай жонкі гэта першае дзіця.
Пара пазнаёмілася ў 2009 годзе, калі рэжысёр прадстаўляў прэсе фільм «Inglourious Basterds». Іх адносіны пачаліся ў 2016 годзе, а ў 2017-м яны заручыліся. Таранціна і Пік афіцыйна сталі мужам і жонкай у лістападзе 2018 года, шлюб стаў першым для іх. У жніўні 2019 года стала вядома, што яны чакаюць дзіця.
Доўгі час Таранціна быў перакананым халасцяком, засяроджваючыся выключна на творчасці.
