23.02.2020 / 13:18

Пры запуску самаробнай ракеты ў Каліфорніі загінуў Звар'яцелы Майк. Ён збіраўся даказаць, што Зямля плоская 17

Амерыканец Майкл Х'юз, вядомы па мянушцы Звар'яцелы Майк, разбіўся пры спробе здзейсніць палёт на самаробнай ракеце. Пра гэта паведамляецца ў твітары тэлеканала Science Channel, піша РБК.

madmikehughes / Facebook

Запуск быў здзейснены ў рамках здымак выпуску перадачы Homemade Astronauts, якая выходзіць на канале, адзначае Space.com. Х'юз спрабаваў падняцца на ракеце, якая працуе на паравым рухавіку, на вышыню 5 тыс. футаў (1,5 км).

«Яго марай было ажыццявіць гэты запуск, і [каманда] Science Channel знаходзілася на месцы для таго, каб паказаць гэта падарожжа», — гаворыцца ў паведамленні тэлеканала.

Лятальны апарат быў запушчаны 22 лютага ў пустыні каля горада Барстоу ў Каліфорніі. Як паведамляе CNN са спасылкай на заяву шэрыфа акругі Сан-Бернардына, улады пацвердзілі гібель чалавека пасля таго, як ракета пацярпела крушэнне, але ў сваёй заяве не назвалі імя Х'юза.

Відэа запуску і крушэння ракеты апублікавана ў Twitter журналіста Джасціна Чэпмана. Ён заявіў TMZ, што Х'юз загінуў.

Па даных AP, Майк Х'юз ажыццявіў першы запуск самаробнай ракеты ў 2014 годзе ў Арызоне і падняўся на ёй на вышыню 419 м. У 2016 годзе ён аб'явіў збор сродкаў на будаўніцтва новай ракеты, аднак сабраць атрымалася недастаткова — толькі $310. Пасля гэтага ён назваў сябе прыхільнікам Таварыства плоскай Зямлі і атрымаў падтрымку ад арганізацыі. У выніку Х'юзу ўдалося сабраць $7,8 тыс. Х'юз заявіў, што меў намер здзейсніць палёт у космас і зрабіць адтуль здымак плоскай Зямлі.

У сакавіку 2018 года ён запусціў ракету са стартавай пляцоўкі ў пустыні Махаве ў Каліфорніі. Апарат падняўся на вышыню каля 570 м, палёт скончыўся жорсткай пасадкай. Сам Х'юз не пацярпеў. Новы запуск быў запланаваны на жнівень 2019 года, аднак некалькі разоў адкладаўся.

Хочаш падзяліцца важнай інфармацыяй ананімна і канфідэнцыйна?

NN.by

8
Кажыма праўду / Адказаць
23.02.2020 / 14:15
Ляснуўся аб цвярдэчу нябёснага купалу. І такім чынам сваёй смерцю давёў тэорыю пляскатай Зямліцы :(

Цікава, а што з адваротнага боку «бліна»? – Сланы ці чарапаха?
5
Axel Justas / Адказаць
23.02.2020 / 14:19
Спадабайся адзін з камертараў пад твітам: "Зямля па-ранейшаму круглая, а вось Вар'яцкі Макс цяпер плоскі".
1
Мінак / Адказаць
23.02.2020 / 14:46
можа звар'яцелы, а не вар'яцкі?
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру