Тэлеграм-канал: «Павесіўся 18-гадовы салдат унутраных войскаў». Міліцыя: «Гэта фэйк!»
«У полацкай в/ч 5530 унутраных войскаў МУС адбылася трагедыя. Учора, 22 лютага, на тэрыторыі часці знайшлі павешаным 18-гадовага салдата тэрміновай службы», — такое паведамленне з'явілася ў тэлеграм-канале NEXTA.
Інфармацыя шырыцца і хвалюе бацькоў хлопцаў.
Але афіцыйныя асобы ўсё адмаўляюць.
«Інфармацыя непраўдзівая! Зараз увесь асабовы склад згаданай часці і ўнутраных войскаў жывы і здаровы. Раблю выснову, што гэта або намераны фэйк, або нешта наблытана, але згаданая наша часць», — сказаў «Нашай Ніве» прэс-сакратар унутраных войскаў Уладзімір Пархомцаў.
«Поўная лухта, празмерны фэйк! Гэта не смешна нават, уяўляю пачуцці бацькоў, калі хтосьці гэта ўбачыў. Я б сама сабе месца не знаходзіла», — сказала прэс-сакратар МУС Вольга Чамаданава.
У Міністэрстве абароны на пытанне «Нашай Нівы» таксама адказалі, што не маюць такой інфармацыі.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»12
Каментары