24.02.2020 / 17:17

За наркотыкі ўкраінец трапіў у беларускую калонію замест спаткання з жонкай 1

Інцыдэнт адбыўся ў кастрычніку мінулага года, паведамляе sb.by.

29-гадовы ўкраінец ехаў на цягніку Кіеў — Санкт-Пецярбург. Падчас праверкі ў рэспубліканскім пункце мытнага афармлення «Цяруха» службовы сабака знайшоў пакецік з раслінным рэчывам, які належаў пасажыру. Паводле заключэння экспертызы, гэта была марыхуана. Восем доз было знойдзена ў кішэнях адзежы.

Мужчына прызнаўся, што з'яўляецца наркаманам са стажам. У ходзе следства было ўстаноўлена, што ён ехаў у Беларусь на спатканне з жонкай-расіянкай. Паколькі з Расіі пасажыр быў дэпартаваны за парушэнне міграцыйнага заканадаўства, муж і жонка планавалі сустрэцца на «нейтральнай тэрыторыі». Рамантычнага спаткання не адбылося. Мужчыну арыштавалі, завялі крымінальную справу па двух артыкулах антынаркатычнага заканадаўства нашай краіны.

— Суд Гомельскага раёна асудзіў грамадзяніна Украіны на тры гады калоніі ўзмоцненага рэжыму, — паведаміў Гомельскі транспартны пракурор Сяргей Казакевіч. — Прысуд уступіў у сілу.

Хочаш падзяліцца важнай інфармацыяй ананімна і канфідэнцыйна?

1
Андрюха Горец (Беларусь Витебск ) / Адказаць
24.02.2020 / 23:06
 Ну значит - Разберёмся и Отпустим !!.. Мы Беларусы - Очень Гуманный Народ и очень уважаем Братску Украину !!!.. Разберёмся и  отпустим - с Богом  ! (если не очень Виновен )
Каб пакінуць каментар, калі ласка, актывуйце JavaScript у наладах свайго браўзеру