24.02.2020 / 17:38

Маладзёна, які ляцеў па МКАД на хуткасці 229 км/г, аштрафавалі на 945 рублёў і пазбавілі правоў на два гады 1

16 студзеня на МКАД камера зафіксавала перавышэнне хуткасці БМВ: замест належных 90 км/г машына неслася 229 км/г, паведамляе ДАІ ў сваім тэлеграм-канале.

Парушальніка знайшлі на наступны дзень. Прычым мужчына спрабаваў сысці ад пагоні.

У дачыненні да яго склалі шэсць адміністрацыйных пратаколаў. У выніку мужчыну пазбавілі правоў на 2 гады і аштрафавалі на 35 базавых велічыняў (945 рублёў).

Раней 31-гадовы мужчына ўжо трапляў у поле зроку міліцыянтаў. На Dodge Stealth ён таксама спрабаваў сысці ад пераследу. Аднак зрабіць гэта яму не ўдалося — парушальніка затрымалі. Медыцынскі агляд паказаў, што ён знаходзіўся ў стане наркатычнага ап'янення. Тады парушальніка пазбавілі правоў на 5 гадоў і аштрафавалі на 100 базавых велічынь.

Хочаш падзяліцца важнай інфармацыяй ананімна і канфідэнцыйна?

NN.by

0
Юрий / Адказаць
24.02.2020 / 20:37
...229 км/г; спрабаваў сысці ад пагоні; у стане наркатычнага ап'янення... Ды яшчэ не першы раз!
Мне аднаму здаецца, што для такіх дзеянняў павінна быць кваліфікацыя згодна з крымінальным кодэксам і з адпаведнымі мерамі забяспечання грамадскай бяспекі, а не штраф і пазбаўленне правоў? Дзе здаровы сэнс, гэта ж патэнцыйны забойца, а ўзровень грамадскай небяспекі ад дзеянняў гэтай асобы максімальны. калі ён пазабівае людзей - гэта толькі пытанне часу. Справа не ў  тым, каб жорстка пакараць, а ў тым, каб абараніць ад смерці невінаватых людзей. 
Каб пакінуць каментар, калі ласка, актывуйце JavaScript у наладах свайго браўзеру