Пасол Вялікабрытаніі Найджэл Гулд‑Дэвіс на сённяшняй прэс‑канферэнцыі абверг інфармацыю пра тое, што ягоная краіна была праціўнікам падаўжэння мараторыя на санкцыі для беларускіх чыноўнікаў.
«Гэта вельмі разумнае, добрае рашэнне. У Мінску ходзяць чуткі, што Вялікабрытанія выказвалася супраць дадзенага рашэння. Хачу абвергнуць іх. Вялікабрытанія была адной з тых краін, якія сыгралі ключавую ролю ў паспяховым прыняцці такіх рашэнняў», — сказаў пасол.
Раней гаварылася, што найбольш жорсткую пазіцыю ў дачыненні да Беларусі займаюць Вялікабрытанія, Нідэрланды і Швецыя.