Як распавёў Мінск-Навінам намеснік старшыні Мінгарвыканкама Аляксандр Дараховіч, арыгінальны элемент гарадскога добраўпарадкавання тут часова.
— Мы пастаянна працуем над паляпшэннем гарадскога асяроддзя, вывучаем замежны вопыт, але не для таго, каб паўтарыць, а затым, каб зрабіць лепш. Дрэва, што свеціцца, на плошчы Незалежнасці — прыклад ўкаранення такога вопыту. Яго будзем дапрацоўваць. Хочам зрабіць так, каб яно прыцягвала ўвагу гасцей і жыхароў сталіцы не толькі ў цёмны час сутак, — адзначыў А. Дараховіч.
Таксама ён дадаў, што меркаванне гараджан па ўдасканаленні элементу добраўпарадкавання і месцаў размяшчэння такіх дрэў вітаецца. Свае прапановы можна адрасаваць прадпрыемству «Мінгарсвятло».
Першае дрэва «Мінгарсвятло» змайстравала сваімі сіламі. У далейшым плануецца тыражаванне светлавых фігур, удасканаленых з улікам меркавання мінчан.
