Студзеньскія заробкі ў адукацыі знізіліся нават у параўнанні з мінулым лістападам. Мінадукацыі: «Памылка ў разліках»
Новая сістэма аплаты працы па-ранейшаму выклікае пытанні (а часам і абурэнне) бюджэтнікаў.
Чытайце: Бюджэтнікам налічылі заробкі па новай сістэме. Што атрымалі людзі і як рэагуюць на змены?
Паводле дадзеных Белстата, сярэдні заробак у сферы адукацыі ў студзені 2020 года склаў 804,2 рубля. Адбылося істотнае зніжэнне ў параўнанні не толькі з прэміяльным снежнем 2019 года (897,1 рублёў), але нават нават з лістападам 2019 года (832,7 рублёў)!
Пры гэтым раней улады неаднаразова абяцалі, што заробкі настаўнікаў будуць павялічвацца, але не зніжацца.
Што кажуць у Міністэрстве адукацыі?
Пакуль што там не разабраліся, як выйшла скарачэнне — эканамісты шукаюць прычыну.
«Мы сочым за сітуацыяй і рыхтуем каментар, але зніжэнняў адназначна быць не павінна. Далейшая тэндэнцыя — заробак будзе расці. Відаць, адбыліся нейкія памылкі ў разліках», — сказалі «Нашай Ніве» у прэс-службе міністэрства.
Пазней яны абяцаюць разгорнуты каментар.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню57
Каментары