27.02.2020 / 09:28

Гэты гурт вярнуў моду на пост-панк у Беларусі. Новыя песні і найлепшыя хіты Super Besse ў жывым выступе ВІДЭА 4

Сем гадоў таму ўдзельнікі гурта The Blackmail вырашылі прыбраць рытм-секцыю, адмовіцца ад сваёй старой музыкі і змяніць стыль. Так з’явіўся калектыў Super Besse, названы ў гонар французскага гарналыжнага курорта.

Super Besse гастралююць па Еўропе і Азіі, выпускаючы альбомы на латвійскім лэйбле. Удзельнікі гурта жывуць у розных краінах: Максім Кульша адкрыў уласную студыю ў Берліне, а Аляксандр Сініца працуе графічным дызайнерам у Мінску. Але гэта не перашкаджае ім ствараць разам, падкрэсліваючы пры гэтым, што яны з Беларусі.

У жывым сэце ў студыі Belsat Music Live дуэт сыграў некалькі новых трэкаў, якія ўпершыню прагучалі на публіку, а таксама свае галоўныя хіты.

У размове з Мірай Шульц Super Besse распавялі пра новы альбом, які ствараўся без Паўла Міхалка, пра магчымасць з’яўлення трэкаў на беларускай мове, а яшчэ пра тое, ці складана ствараць гурту, музыкі якога жывуць у розных краінах.

Belsat Music Live — гэта аўтарскі праект Сяргея Будкіна. Штотыдзень на тэлеканале «Белсат» айчынныя і замежныя музыкі граюць ужывую ў студыі, а таксама размаўляюць з вядучымі пра сваю творчасць. 

Падпішыцеся на канал!

Чытайце таксама:

Як добра вы ведаеце Belsat Music Live, адзін з найлепшых праектаў пра беларускую музыку? ТЭСТ

Вы не паверыце, але гурту Recha Андруся Такінданга спаўняецца 18 гадоў. Паслухайце іх жывы выступ з новымі песнямі ВІДЭА

Бяроза наша. Гурту «Бяз назвы» споўнілася 20 год — паслухайце іх жывы выступ з найлепшымі хітамі ВІДЭА

Ігрою гэтага беларускага віяланчэліста захапляецца ўвесь свет. Паглядзіце яго жывы выступ ВІДЭА

Хочаш падзяліцца важнай інфармацыяй ананімна і канфідэнцыйна?

NN.by

8
Марыюш Пудзяноўскі / Адказаць
25.02.2020 / 16:57
Ееее, крутацень!
1
Реальный / Адказаць
26.02.2020 / 08:37
Музыка вполне себе хороша. А вот тексты и вокал -- катастрофа.
2
Водар / Адказаць
27.02.2020 / 11:11
я не понял сенсации группы, вокала нет, текста нет.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру