26.02.2020 / 12:02

У Стамбуле бяздомная кошка выйшла на сцэну падчас выступу аркестра — і стала зоркай вечара ВІДЭА 8

У сярэдзіне лютага ў Стамбуле праходзіў канцэрт класічнай музыкі ад аркестра CRR Symphony Orchestra ў канцэртнай зале Джэмаль Рэшыт Рэй. Але выступ пайшоў крыху не па плане — усё з-за бяздомнай кошкі, якая выйшла на сцэну, паведамляе tjournal.

Кошка не проста хадзіла па сцэне, а падыходзіла да музыкаў розных груп і прасіла яе гладзіць. Жывёлінку спрабавалі злавіць і выпхнуць са сцэны, але яна то не давалася ў рукі, то лоўка вырывалася. У выніку кошка заскочыла на месца дырыжора.

Гледачы сустракалі кожнае дзеянне жывёлінкі апладысментамі. Пры гэтым канцэрт яна не сапсавала — супакоіўшыся, кошка села на краю сцэны і стала ўважліва слухаць класічную музыку.

Хочаш падзяліцца важнай інфармацыяй ананімна і канфідэнцыйна?

NN.by

0
Вецер валос. / Адказаць
26.02.2020 / 12:15
Артыстка з мінулага!
9
Не спартсмен / Адказаць
26.02.2020 / 12:23
З чаго відаць, што гэта кошка? Па-беларуску гэтая жывёла завецца кот.
1
Вадзім / Адказаць
26.02.2020 / 13:20
Не спартсмен, гэта пэўне ж кошка, бо трохкаляровымі, наколькі я памятаю, толькі кошкі бываюць.

Але вас я плюсануў - надакучыла гэьая калька з расейскай.
Калі няма патрэбы падкрэсьліваць пол жывёлы, напрыклад - кошка кацянят прывяла, то па-беларуску - КОТ.

"Мышы завяліся, то ўзяў сабе КАТА" - а ня "кошку".

Яшчэ раз нагадаю - КОТ.

Ня ведаю, што стукнула ў галаву карэктару НН, але - КОТ.

КОТ.

:))
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру