26.02.2020 / 12:15

Гульнара Карымава прапанавала ўладам Узбекістана $686 мільёнаў у абмен на свабоду 3

ТАСС

25 лютага ў інтэрнэце з'явіўся ліст старэйшай дачкі першага прэзідэнта Узбекістана Гульнары Карымавай, што адбывае турэмнае зняволенне. Ліст адрасаваны цяперашняму кіраўніку дзяржавы Шаўкату Мірзіёеву. Ліст Карымавай быў апублікаваны ў інстаграме яе дачкі Іман, што жыве ў Лондане, паведамляе «Радыё Азадлык».

У пачатку гэтага пісьма, апублікаванага на старонцы Іман Карымавай, якую вядзе група прафесійных адвакатаў, Гульнара Карымава звяртаецца да прэзідэнта Шаўката Мірзіёева, як «да чалавека, якога яна асабіста ведае шмат-шмат гадоў».

У сваім лісце Карымава скардзіцца на бясконцыя пераезды з адной турмы ў другую і бесперапынныя крымінальныя справы, якія вядуцца, па яе словах, з вялікімі парушэннямі Канстытуцыі і Крымінальна-працэсуальнага кодэкса Узбекістана.

Гульнара сцвярджае таксама, што, нягледзячы на ​​канфіскацыю належачых ёй і яе дзецям актываў і маёмасці на 1,2 млрд даляраў, яны не былі залічаны ў лік пагашэння «нанесенай матэрыяльнай шкоды».

«Я таксама дзеля захавання сям'і і здароўя пры правільных умовах гатовая адмовіцца ад любых прэтэнзій на грашовыя сродкі, пакінутыя ў нашай сям'і і замарожаныя ў Швейцарыі з прыняццем «спрошчанай працэдуры закрыцця справы», г. зн. без публічнага суда, з перадачай на карысць дзяржавы 686 млн даляраў ЗША», — піша Карымава.

Яна таксама дадае, што «ад правільнага падыходу да гэтага пытання можа выйграць таксама дзяржава і сродкі ў даволі адчувальных аб'ёмах могуць быць накіраваны на гуманітарныя праекты (медыцыну, адукацыю і іншае)».

У сваім лісце Мірзіёеву дачка памерлага прэзідэнта піша пра пагаршэнне стану свайго здароўя і пра тое, што мае патрэбу ў сур'ёзных аперацыях.

47-гадовая Гульнара Карымава, абвінавачаная Генеральнай пракуратурай Узбекістана ў здзяйсненні шэрагу цяжкіх злачынстваў, прысудам тайнага суда адбывае пакаранне ў жаночай калоніі ў Ташкенцкай вобласці.

Хочаш падзяліцца важнай інфармацыяй ананімна і канфідэнцыйна?

NN.by

0
Надзя / Адказаць
26.02.2020 / 14:49
Народных грошай на граблi.. Улада.. Народ рабы.
0
Андрюха Горец (Беларусь Витебск ) / Адказаць
26.02.2020 / 15:53
 Таким людям - Свобода вообще ни к чему !...    ВОР -должен сидеть в Тюрьме !!!! А Крупные Семейные Воры от власти ---  должны мотать 29 летний срок в  самых Тяжёлых Условиях !!!  Воры от Власти -- должны испытать на себе всё то - что когда то  прошли на себе другие люди ! Они должны вытерпеть -  ВЕСЬ ГУЛАГ !!!!  А раньше этого Срока -- ни о каком таком ?Выкупе * даже речи быть не может !!!! ВЫ и так - Отсидите - а украденное бабло  и так  отдадите !!   (За   сокращение срока - вы отдадите ВСЁ Украденное вами ) !. А те бабки и Активы которые вы где то Устроили и Припрятали -  те Кому Положено  найдут через ваших знакомых и посредников !! ))) Так что *Приятного вам  - отдыха  На Нарах ! !!! )...
0
Воўка з Гародні / Адказаць
27.02.2020 / 06:57
Добры прыклад усім дыктатарам . Адкажуць дзеткі і ўнукі . Нават калі да ўлады прыйде другі дыктатар . Чаму некаторыя  гісторыкі  не вучаць  гісторыю - амаль  усе такія ,,правіцелі" праз гэта прайшлі .
Каб пакінуць каментар, калі ласка, актывуйце JavaScript у наладах свайго браўзеру