26.02.2020 / 13:55

Інфармацыя пра Беларусь як самую пітушчую краіну свету — фэйк 14

25 лютага шэраг СМІ апублікавалі навіну пра тое, што Беларусь зноў узначаліла рэйтынг самых пітушчых краінаў свету. «Радыё Свабода» тлумачыць, чаму гэта не так.

14,4 літра спірту на чалавека штогод выпіваюць у Беларусі — такую навіну апублікавалі шэраг беларускіх СМІ са спасылкай на рэйтынг World Population Review.

Але, як высветліла «Свабода», гэта фэйк. Насамрэч у рэйтынгу проста ўзялі звесткі з агляду Сусветнай арганізацыі здароўя за 2014 год.

На самой справе ў Еўропе Беларусь займае 23 месца па спажыванні алкаголю. У такім жа сусветным рэйтынгу Беларусь на 27 месцы. Пра гэта сказаў прадстаўнік Сусветнай арганізацыі аховы здароўя ў Беларусі Батыр Бердыклычаў:

«Мы зараз разабраліся, яны проста не праверылі лічбы і зрабілі спасылку на справаздачу 2014 года, якая грунтуецца на даных 2010 года, — сказаў Батыр Бердыклычаў. — 11,2 літра спажывання спірту на чалавека — такія звесткі па глабальнай справаздачы СААЗ за 2018 год. І калі ў 2014 годзе былі спрэчкі з боку Мінздароўя, то цяпер у нас поўная згода па мэтадалогіі і выніках».

У 2018 годзе, па статыстыцы СААЗ, самай пітушчай была Малдова (15,2 літра спірту на чалавека на год), Літва (15 літраў), Чэхія (14,4 літра), Нямеччына (13,4 літра), Нігерыя (13,4 літра).

Больш, чым у Беларусі, пілі ў Латвіі (12,9 літра), Расіі (11,7 літра), Польшчы (11,6 літра).

Па статыстыцы Белстата, спажыванне алкаголю ў Беларусі — 11,5 літра спірту на кожнага жыхара, старэйшага за 15 гадоў. Найбольш спажываюць піва, гарэлку і пладовае віно. Найменш — каньяк і брэндзі.

Паводле СААЗ, спажыванне больш як 8 літраў спірту на год нясе не толькі пагрозу жыццю, але і вядзе да дэградацыі грамадства.

Хочаш падзяліцца важнай інфармацыяй ананімна і канфідэнцыйна?

10
Жвір / Адказаць
26.02.2020 / 14:34
 Літва (15 літраў). Fu,.. alkašy!..
7
Dlohosh284 / Адказаць
26.02.2020 / 15:07
Может и не первое место, но наш регион регулярно входит в топ, меняется только порядок. 
16
Брыдкая пачвара / Адказаць
26.02.2020 / 15:17
Сблэнчалі настрой. Хоць у нечым наша краіна была ў лідзерах.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру