26.02.2020 / 14:04

Пад Астраўцом у лабавым сутыкненні загінула 24-гадовая дзяўчына

Здарэнне адбылося 26 лютага каля 10:00 на аўтадарозе Полацк-Глыбокае-мяжа Літвы ў раёне в. Вялікая Страча, паведаміла ў сваім тэлеграм-канале афіцыйны прадстаўнік МУС Вольга Чамаданава.

Фота МУС

24-гадовая жыхарка Віцебскай вобласці на «Сітраэне Ксара Пікасо» на закругленні дарогі ўлева не справілася з кіраваннем, выехала на паласу сустрэчнага руху і сутыкнулася з «Сітраенам С5», якім кіраваў 48-гадовы жыхар Астраўца.

У выніку ДТЗ дзяўчына-кіроўца загінула на месцы здарэння. Кіроўца «Сітраен С5» не пацярпеў, пасажырка дастаўлена ў бальніцу.

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру