26.02.2020 / 15:55

Прадпрымальнік забыў у БМВ $70 тысяч, а злодзей не заўважыў і скраў толькі $50 тысяч 4

22 лютага ў Стаўбцоўскі РАУС звярнуўся 40-гадовы бізнэсовец. Ён паведаміў, што ноччу невядомыя скралі з яго BMW X6 $50 тысяч, якія ляжалі ў пакеце на заднім сядзенні, паведамляе ў сваім тэлеграм-канале афіцыйны прадстаўнік МУС Вольга Чамаданава.

Справа была такая. Мужчына вярнуўся дадому з Мінска, прыпаркаваў машыну ў двары. У салоне засталіся ляжаць $70 тысяч: большая частка ў пакеце, а каля $20 тысяч у торбе.

Машына была абсталявана сістэмай доступу без ключа, г. зн. з аўтаматычным адмыканнем і замыканнем цэнтральнага замка пры збліжэнні або аддаленні ключа. Відаць, прылада не спрацавала, і машына засталася незамкнёнай.

Гэтым скарыстаўся падазраваны: тузануў за ручку, і дзверы адчыніліся. Пакет з валютай ён забраў, але ад радасці больш нічога не шукаў, таму сумка з меншай сумай валюты засталася некранутай.

40-гадовага зламысніка знайшлі на працягу сутак. Яго затрымалі раніцай у ягоным доме ў Фаніпалі. У яго аўтамабілі былі знойдзены грошы, пісталет, балаклава і металічная палка.

Вядома, што ён раней не судзімы, працуе індывідуальным прадпрымальнікам, гандлюе аўтазапчасткамі.

Хочаш падзяліцца важнай інфармацыяй ананімна і канфідэнцыйна?

NN.by

1
руды мент / Адказаць
26.02.2020 / 17:54
злачынная неахайнасць.
11
Дед Мороз / Адказаць
26.02.2020 / 19:49
Не совсем понял зачем было указывать профессию потерпевшего (предприниматель, учитель, врач и т.д.) в новости от МВД?!
Или всё по старинке? Колхозник, рабочий, служащий?!
5
Андрюха Горец (Беларусь Витебск ) / Адказаць
26.02.2020 / 21:27
Я - ЧЕСТНЫЙ Вор !!!!  Взял только - Своё !!!!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру