27.02.2020 / 11:46

Жыхары Плешчаніцаў не хочуць ездзіць дадатковыя 5 кіламетраў і патрабуюць пабудаваць развязку на М3 як вырашыць канфлікт? 7

Сотні жыхароў мястэчка Плешчаніцаў, у якім агулам жывуць каля 6500 чалавек, падпісалі калектыўны зварот з просьбай пабудаваць яшчэ адну развязку на трасе М3 Мінск — Віцебск. Яны наракаюць, што іначай кожнаму з іх давядзецца штодня праязджаць дадатковыя пяць кіламетраў.

З даўніх часоў праз Плешчаніцы перпендыкулярна праходзілі дзве дарогі, Мінск — Віцебск і Барысаў — Ашмяны (Р63). Пасля вакол Плешчаніцаў пабудавалі аб’язную дарогу, каб трафік па М3 не ішоў праз цэнтр мястэчка.

У выніку на скрыжаванні аб’язной дарогі і старога праезда да Плешчаніцаў утварылася аварыйнае месца. Тыя, хто едуць з Мінска і зварочваюць налева ў Плешчаніцы, павінны прапускаць сустрэчны трафік, які рушыць з Віцебска ў Мінск. І хоць хуткасць абмежаваная 40 км/г, аварыі адбываюцца пастаянна.

Тое самае аварыйнае месца. Уверх сыходзіць дарога ў Мінск, налева — у Віцебск, направа — у Плешчаніцы.

Цяпер М3 рэканструююць. Мясцовым жыхарам спачатку паабяцалі пабудаваць невялікую развязку, каб машыны раз’ехаліся на розных узроўнях. Але цяпер планы ў мэтах эканоміі перагледзелі. На месцы цяперашняга скрыжавання замест развязкі зробяць бар’ер. Левы паварот проста забароняць.

Тым, хто рушыць з Мінска ў Плешчаніцы, прапануюць праехаць некалькі кіламетраў да наступнай развязкі з Р63, а пасля на ёй павярнуць у Плешчаніцы. Атрымліваецца дадатковыя 5 кіламетраў.

Ну а тыя, хто кіруецца ў Мінск, змогуць ехаць па-старому, бо канфлікту левага павароту для іх няма.

Жыхары перакананыя, што іх агульныя страты праз дадатковы прабег будуць значна вышэй за кошт будаўніцтва развязкі, а таму працягваюць перапіску з чыноўнікамі.

Вось такую развязку прапануюць пабудаваць жыхары. Тыя, хто едуць з Мінска ў Плешчаніцы, змаглі б праехаць зверху

Хочаш падзяліцца важнай інфармацыяй ананімна і канфідэнцыйна?

БЮ

0
Team / Адказаць
27.02.2020 / 11:59
Наши "управленцы" за что не возьмутся, всё у них через "...."! Вроде строят дорогу, кажется хорошо, а по факту для людей только хуже.
3
Павел Ас / Адказаць
27.02.2020 / 12:04
Цалкам падтрымліваю жыхароў Плешчаніц. Будаваць трэба для ЎСІХ людзей.
3
меркаванне / Адказаць
27.02.2020 / 12:06
А разве яны не выбралі сабе дэпутата ў палатку, што самі дамагаюцца ад чыноўнікаў будаўніцтва дарогі? Ці ён там для красаты засядае і чакае ў гасцей з еўрапарламента?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру