27.02.2020 / 13:17

Мінчук прыйшоў у госці ў адну кватэру, а грошы скраў з суседняй

У міліцыю звярнулася 40-гадовая жанчына: ў яе з кватэры знікла торба з асабістымі рэчамі і 850 еўра, паведамляе сталічная міліцыя.

Зламысніка злавілі па гарачых слядах. Ім аказаўся раней неаднаразова судзімы мужчына. Якому таксама, дарэчы, 40 гадоў. 

Міліцыі ён патлумачыў, што перад гэтым ён з таварышам заходзіў у госці да свайго знаёмага. Пакуль яго таварыш быў заняты размовай, мужчына стаў тузаць дзвярныя ручкі суседзяў. У адной з кватэр дзверы былі не зачыненыя, чым і скарыстаўся мужчына. Заўважыўшы ў калідоры жаночую сумку, схапіў яе і збег.

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру