27.02.2020 / 20:22

Група «Сафмар» Гуцэрыева і яшчэ адна расійская кампанія паставяць у Беларусь 350 тысяч тон нафты ў сакавіку 1

Група «Сафмар» і кампанія «УДС нафта» сумарна паставяць у Беларусь 350 тысяч тон нафты ў сакавіку, паведамляе БелТА.

Як удакладнілі ў канцэрне «Белнафтахім», 300 тыс. т чорнага золата чакаецца ад «Сафмара». Яшчэ 50 тыс. т паставіць «УДС нафта». Што тычыцца перспектывы паступлення сыравіны ад «Раснафты» і «Татнафты», то перамовы па пастаўках на сакавік з гэтымі кампаніямі не праводзяцца.

Напярэдадні стала вядома, што акрамя «Сафмара» яшчэ пяць расійскіх кампаній будуць пастаўляць у Беларусь нафту без прэміі. Паведамлялася таксама пра дамоўленасці з азербайджанскай нафтавай кампаніяй Socar на пастаўку 160 тыс. т сыравіны, якую прапампуюць па нафтаправодзе Адэса-Броды.

Хочаш падзяліцца важнай інфармацыяй ананімна і канфідэнцыйна?

0
Павел Ас / Адказаць
27.02.2020 / 21:59
Нармальныя комерсы :) Пакуль розня Ёлупні накштал Раснафты цягнуць сваю нафту праз пол Света ў ЗША, каб там прадаць яе за грАшы. Бінесмены накшталт Мішы проста ЗАРАБЛЯЮЦЬ грОшы :)
Каб пакінуць каментар, калі ласка, актывуйце JavaScript у наладах свайго браўзеру