27.02.2020 / 22:31

Мясніковіч пра пераход на расійскі рубель: пытанне абмяркоўваецца 31

Краіны Еўразійскага эканамічнага саюза працягваюць абмяркоўваць пытанне аб магчымасці пераходу на расійскі рубель у якасці адзінага сродку ўзаемных разлікаў. Пра гэта паведаміў старшыня калегіі Еўразійскай эканамічнай камісіі Міхаіл Мясніковіч у эфіры БТ-1.

Міхаіл Мясніковіч мае намер сустрэцца з кіраўнікамі цэнтрабанкаў усіх краін, каб абмеркаваць надзённыя пытанні, у тым ліку адзіную валюту. Аднак ці будзе гэта менавіта расійскі рубель, пакуль што не ясна.

«Усе краіны ЕАЭС маюць адмоўнае гандлёвае сальда з Расійскай Федэрацыяй. Каб разлічыцца за імпарт з Расіі, ім бракуе рублёвай выручкі, — растлумачыў Міхаіл Мясніковіч. — Мы павінны прадаць нешта ў трэція краіны, за валюту канвертаваць расійскія рублі і толькі потым працаваць у рублёвай зоне».

«Ні ў якім разе не павінна быць фінансавай панікі. Ніхто не кажа, што заўтра нехта будзе пераходзіць на расійскі рубель. Нам трэба думаць пра дэдаларызацыю, але пры гэтым з адной праблемы не стварыць іншую», — дадаў ён.

Хочаш падзяліцца важнай інфармацыяй ананімна і канфідэнцыйна?

NN.by

2
Вецер валос. / Адказаць
27.02.2020 / 22:42
У Будапешце есць турма для  прызыдэнта і  мясніковіча.
5
хамса / Адказаць
27.02.2020 / 22:48
>Нам трэба думаць пра дэдаларызацыю, - дадау ен нам трэба думаць пра дэмясниковичазацыю и лэлакушынизацыю
2
Баршчэўскі / Адказаць
27.02.2020 / 22:50
ну сказануў дык сказануў! "Нам гэта нязручна і нявыгадна, але мы абмяркоўваем..."
Такі Мясьніковіч быў заўсёды. Таму й непатапляльны. Служыў Кебічу, перакінуўся да Лукашэнкі. цяпер будзе адстойваць інтарэсы рублёўскіх.
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру