28.02.2020 / 07:47

У Празе з'явілася плошча Барыса Нямцова — на ёй стаіць расійскае пасольства 11

У чэшскай сталіцы адбылася цырымонія адкрыцця плошчы імя Барыса Нямцова. Дэпутаты гарадской рады Прагі 24 лютага аднадушна прагаласавалі за рашэнне назваць імем расійскага апазіцыйнага палітыка плошчу Pod kaštany ( «Пад каштанамі»), на якой знаходзіцца пасольства Расіі ў Чэхіі, піша bbc.com.

У заяве дэпутатаў гарадскога савета гаворыцца, што такім чынам Прага выказвае салідарнасць з расійскай апазіцыяй і праваабарончым рухам.

Падзея прымеркаваная да пятай гадавіны забойства Барыса Нямцова. Ён быў застрэлены ў Маскве на Вялікім Маскварэцкім мосце 27 лютага 2015 года.

На цырымонію перайменавання прыйшло некалькі дзясяткаў журналістаў, столькі ж паліцэйскіх і ўдзельнікаў акцыі.

Актывісты прыйшлі з плакатамі і ўлёткамі «Расія без Пуціна», «Спынім чырвоны нацызм».

Пасля адкрыцця плошчы Нямцова ўдзельнікі акцыі перамясціліся ў суседні парк ля ўсё таго ж расійскага пасольства, дзе адна з алей атрымала імя Ганны Паліткоўскай.

На пытанне, ці згодны ён са сцвярджэннем, што мэтай пераназыванняў быў тролінг Крамля, мэр Прагі адказаў адмоўна.

Паводле яго слоў, чэшская сталіца пайшла на перайменаванне, паколькі грамадзяне сабралі больш за 4000 подпісаў пад адпаведнай петыцыяй і гарадскі савет падтрымаў міжнародную ініцыятыву па ўшанаванні памяці Барыса Нямцова ўслед за Вашынгтонам, Вільняй і Кіевам.

Крытычна пра гэты крок адазваўся прэзідэнт краіны Мілаш Зэман, які назваў гэтае рашэнне палітычным.

Хочаш падзяліцца важнай інфармацыяй ананімна і канфідэнцыйна?

NN.by

4
Максим / Адказаць
28.02.2020 / 08:52
Героям Слава!
0
Alehna / Адказаць
28.02.2020 / 09:00
Рэд. Выдалена
15
Нейкі чалавек / Адказаць
28.02.2020 / 09:06
Нібыта ўсё правільна - чалавек някепскі, разумны, пацярпеў ад расійскага шавіністычнага рэжыму - але асадачак застаецца. Бо не таму назвалі плошчу, што так моцна паважаюць Барыса Нямцова, а таму, што імкнуцца ўшчыкнуць Пуціна з хеўраю. І гэта непрыемна, бо нячэсна так рабіць.
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру