28.02.2020 / 10:09

БНТУ пераводзіцца на індывідуальную праграму навучання з прычыны каранавіруса 5

Фота Надзеі Бужан

«ВНУ, у якой выявілі выпадак каранавіруса, пераводзіцца на індывідуальную праграму навучання. Гэта БНТУ», — сказаў сёння журналістам міністр аховы здароўя Уладзімір Каранік, піша БелТА.

Паводле яго слоў, маладога чалавека, выклікалі на абследаванне ў 33-ю паліклініку Мінска. На момант агляду скаргаў у студэнта не было.

«Але медыцынскіх работнікаў збянтэжыла невялікая тэмпература, 37,3 градуса, пачырваненне ў горле. Ён быў дастаўлены ў інфекцыйную бальніцу, дзе былі ўзятыя мазкі і пацверджана наяўнасць сямейства каранавірусаў. Зараз мы ўдакладняем, наколькі гэта эпідэміялагічны штам», — праінфармаваў Уладзімір Каранік.

Чытайце яшчэ: Адбываецца масавая ізаляцыя студэнтаў і выкладчыкаў БНТУ, якія камунікавалі з хворым на каранавірус

Каранавірус прыйшоў і ў Беларусь: прывёз студэнт з Ірана. Ён і яго атачэнне ізаляваныя ў інфекцыёнцы

Іранскі студэнт, які захварэў на каранавірус, вучыцца ў Беларускім нацыянальным тэхнічным універсітэце. 

Сёння ўначы медыкі пачалі ізаляваць студэнтаў і выкладчыкаў, якія ўваходзілі ў яго кола кантактаў. 

«Пазванілі а пятай раніцы, сказалі, што праз гадзіну мяне забярэ хуткая, — сказаў «Нашай Ніве» выкладчык БНТУ. — Завезлі ў шпіталь ветэранаў Вялікай Айчыннай вайны. У боксах размешчаны па некалькі чалавек, медыкі заходзяць са сродкамі абароны ўсімі. На нашым паверсе каля двух дзясяткаў чалавек. Кажуць, што і ўся студэнцкая група ізалявана. Колькі тут трэба быць, пакуль невядома, кажуць пра два тыдні». 

Ва ўніверсітэце інфармацыю пакуль не каментуюць. 

Медыкі працуюць у інтэрнатах Беларускага нацыянальнага тэхнічнага ўніверсітэта.

Хочаш падзяліцца важнай інфармацыяй ананімна і канфідэнцыйна?

12
Eprst / Адказаць
28.02.2020 / 10:24
Очередной прокол режима
3
Водар / Адказаць
28.02.2020 / 11:42
Изолируйте скорее авиасообщение с Ираном, иначе изолирует весь мир закроется для нас...

Удивил министры здравоохранения, сказав, что с этим студентом все в порядке, температура не растет, а то что невысокая температура - это признак коронавируса он не в курсе?
4
Таки вот / Адказаць
28.02.2020 / 13:04
Eprst, Не прокол, а преступление перед народом. Называйте вещи правильно. 
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру