28.02.2020 / 13:56

«Дактары прыехалі ў «скафандрах». У Лідзе хлопец трапіў у бальніцу пасля падарожжа ў Кітай 9

Аматар падарожжаў аўтастопам Дзмітры Кандзіранда, які праз Маскву вярнуўся з Кітая ў Беларусь, цяпер знаходзіцца ў інфекцыйным аддзяленні Лідскай раённай бальніцы. Яго паклалі ў асобную чатырохмесную палату, піша «Радыё Свабода».

У Дзмітрыя ўзялі аналізы на каранавірус, але іх накіравалі ў Менск, бо такія даследаванні ў Лідзе не робяць. Вынікі аналізаў пакуль невядомыя.

26 лютага яму патэлефанала доктарка і спыталася, дзе і колькі ён быў у Кітаі. Яна сказала, што ісці нікуды не трэба, дактары самі прыедуць на кватэру і зробяць абследаванне.

Дома Дзмітры быў разам са сваёй сяброўкай Вольгай, з якой падарожнічаў у Кітаі, і братам.

«Дактары на хуткай прыехалі, нібыта ў скафандрах», — кажа Дзмітрый.

У Дзмітрыя была тэмпература, і яго забралі ў бальніцу. У сяброўкі таксама ўзялі аналізы, але яна засталася дома на каранціне.

«Яшчэ да агляду дактары дома падпісалі паперы, што з кватэры без неабходнасці выходзіць не будзем, а калі гэта робім, то толькі ў масцы», — кажа Дзмітры.

Ці можна набыць маскі ў лідскіх аптэках, Дзмітры не ведае, але медыкі яму далі каля дзесяці ахоўных масак.

«З палаты нікуды нельга выходзіць, усё пазамыкана. Дактары, калі трэба, прыходзяць у масках і халатах. Ежу прыносяць. Тут ёсць адмысловае вакенца, праз якое ежу з таго боку ставяць у шафку, а з гэтага боку я яго адчыняю і забіраю. Тут жа ёсць прыбіральня, ванна, душ, гарачая і халодная вада. Адзінае, што я курэц, а курыць нельга.

Але я патрываю, — расказвае Дзмітры. — Доктар кажа, што гэта не каранцін, каранцін у Мінску, а тут простая лякарня. І наогул цяпер мала месцаў, бо грып».

У Ліду ён прыехаў 23 лютага, 26-га яму патэлефанавалі дактары, а 27-га забралі ў шпіталь.

«Я выконваў тыя ж рэкамендацыі, якія мне далі ў Маскве: сядзець дома, мераць два разы на дзень тэмпературу і пры дрэнным адчуванні тэлефанаваць у «хуткую». Але я сябе нармальна адчуваў. А калі мяне выпішуць з лякарні, я буду тое ж самае рабіць», — кажа Дзмітры.

Сяброўцы Дзмітрыя Вользе лекары тэлефануюць дахаты і пытаюцца, якая ў яе тэмпэратура.

А як мэдыкі даведаліся, што Дзмітры і Вольга прыехалі ў Ліду пасля наведвання Кітая?

«Атрымліваецца, што мяне «здаў» сусед. Відаць, ён прачытаў недзе пра нас у сацсетках. Ён жыве ў нашым доме і ведае маё прозвішча. І ён, відаць, патэлефанаваў у паліклініку ці ў «хуткую». Выходзіць, што ўчастковы доктар даведаўся раней за ўсіх», — кажа Дзмітры.

Аматары падарожжаў аўтастопам Дзмітры Кандзіранда з Ліды і Вольга Кудрашова з Мінска прыехалі ў Кітай 8 студзеня і не маглі яго пакінуць з прычыны эпідэміі каранавіруснай інфекцыі. 22 лютага самалётам яны прыляцелі ў Маскву.

Каранавірус прыйшоў у Беларусь: студэнт БНТУ з Ірана і яго атачэнне ў інфекцыёнцы

Сімптомы, перасцярогі, правілы паводзін. Каранавірус у Беларусі

У інфекцыйнай бальніцы Мінска абвясцілі каранцін

«Папраўляйся, браце!» Хвораму на каранавірус іранцу беларусы пішуць словы падтрымкі 

Каранавірус у Беларусь прыйшоў з краіны, якая хавала яго наяўнасць

Хочаш падзяліцца важнай інфармацыяй ананімна і канфідэнцыйна?

4
циник / Адказаць
28.02.2020 / 14:31
а беларусам, после того как друзья сашы занесли заразу, скафандры выдадут? по моей информации медицинские масочки перестали поставлять в аптечную сеть смесяцок назад. как всё продумано, и масочки перестали поставлять и граничку с китаем и ираном не закрыли... 
7
ooo / Адказаць
28.02.2020 / 14:35
Аклимитизация.
3
Водар / Адказаць
28.02.2020 / 14:51
нашел время путешествовать по китаю...
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру