28.02.2020 / 14:07

«Няма нават на складах». Беларусы раскупілі медыцынскія маскі. Калі яны з'явяцца, у аптэках не ведаюць 8

Фота Надзеі Бужан

27 лютага ў Беларусі выявілі першы выпадак заражэння каранавірусам. Яго выявілі ў студэнта з Ірана, які прыляцеў у Мінск рэйсам з Баку 22 лютага. TUT.BY абтэлефанаваў аптэкі і высветліў, што беларусы раскупілі ўсе медыцынскія маскі, а калі будуць новыя — невядома.

На сайце tabletka.by на 13.00 28 лютага медыцынскія маскі лічыліся ў наяўнасці толькі ў адной аптэцы, але затое адразу 50 упаковак.

— Гэта было а 10 раніцы, цяпер ужо раскупілі, — сказалі нам у аптэцы. — Калі будуць — невядома. Іх няма на складах, адкуль ім з'явіцца?

У аптэцы сеткі «Іскамед» распавялі, што звычайна медыцынскія маскі прывозяць адзін-два разы на тыдзень, і іх адразу разбіраюць.

— Нейкага пэўнага графіку прывозу няма, прагнозу — таксама, — дадалі там.

У сетцы «Белфармацыя» паведамілі, што па горадзе маскі засталіся ў адзінкавых аптэках і ў колькасці двух-трох штук. Пра магчымыя тэрміны паступленняў масак там таксама нічога не ведаюць.

У СААЗ лічаць, што звычайная медыцынская маска не можа абараніць ад каранавіруса, калі не спалучаць яе выкарыстанне з правільным мыццём рук і іншымі мерамі.

У Цэнтры экспертыз і выпрабаванняў у ахове здароўя Беларусі раней распавядалі, што нашэнне маскі — гэта толькі дадатковая крыніца засцярогі.

СААЗ раіць у бытавых умовах рабіць упор на выкананне агульных правіл асабістай гігіены, а не на нашэнне масак:

— рэгулярна мыйце рукі з мылам;

— не чапайце рукамі вочы, нос і рот;

— пры кашлі і чханні прыкрывайце рот і нос сурвэткай або згібам локця.

Пры гэтым у аптэках ёсць супрацьвірусныя прэпараты, у тым ліку інтэрфероны.

Каранавірус прыйшоў у Беларусь: студэнт БНТУ з Ірана і яго атачэнне ў інфекцыёнцы

Сімптомы, перасцярогі, правілы паводзін. Каранавірус у Беларусі

У інфекцыйнай бальніцы Мінска абвясцілі каранцін

«Папраўляйся, браце!» Хвораму на каранавірус іранцу беларусы пішуць словы падтрымкі 

Каранавірус у Беларусь прыйшоў з краіны, якая хавала яго наяўнасць

Хочаш падзяліцца важнай інфармацыяй ананімна і канфідэнцыйна?

2
Таки вот / Адказаць
28.02.2020 / 14:11
В нашей стране все как всегда. Ни к чему не готовы. Ни к войне, ни к уборочной, ни к пандемии.
2
циник / Адказаць
28.02.2020 / 14:15
так вот я сейчас расскажу очень интересные вещи, у меня был разговор с кое-каким человеком, близким к вопросу, поставка масок в аптечную сеть закончилась месяц назад, это раскупались остатки. делайте выводы что за уб..дки правят страной. 
3
Сержик / Адказаць
28.02.2020 / 14:39
Вот это по-нашему! Партизаны...
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру