За сёння ў Мінску выкупілі каля 70 тысяч масак, расказаў міністр аховы здароўя Уладзімір Каранік, піша Tut.by.
Фота: Дар'я Буракіна, Tut.by.
Міністр аховы здароўя адзначыў, што ва ўсіх лячэбных установах краіны ёсць запас масак. Штодзень у краіне выпускаецца каля 40 тысяч марлевых масак. У панядзелак у краіну паставяць яшчэ 1 млн 600 тысяч масак, міністэрства дадаткова аб'явіла аб новай закупцы.
— Ажыятаж з маскамі — эмацыйны. Але калі кіруюць балем эмоцыі, шукаць рацыянальнае тлумачэнне — не найлепшы падыход, — адзначыў Уладзімір Каранік.
Прадстаўнік СААЗ у Беларусі Батыр Бердыклычаў нагадаў беларусам, што здаровым людзям маскі не патрэбныя. Маскі патрэбныя толькі медыкам, тым, хто даглядае за хворымі, і хворым, якія такім чынам абараняюць ад сваёй інфекцыі навакольных.
Прадстаўнік СААЗ звярнуў увагу, што ў 81% каранавірус працякае ў лёгкай і сярэдняй форме, калі чалавек можа перанесці хваробу на нагах, 14% выпадкаў патрабуюць шпіталізацыі і ў 5% — крытычныя станы, калі ёсць пагроза для ўнутраных органаў. Узровень смяротнасці ад каранавіруса 2-4%.
