Прэзідэнт Украіны Зяленскі і медыягрупы дамовіліся 16 сакавіка забяспечыць запуск незакадзіраваных спадарожнікавых версій галоўных украінскіх тэлеканалаў, паведамляе прэс-служба прэзідэнта Украіны.
Зяленскі адзначыў, што гэтае пытанне тычыцца не толькі бізнесу медыя-груп, але і стратэгічнай абароны інфармацыйнай бяспекі Украіны, паколькі ў выніку кадавання сігналу не ўсе ўкраінцы могуць свабодна праглядаць больш за 20 галоўных тэлеканалаў.
Зяленскі адзначыў, што Рада нацыянальнай бяспекі і абароны Украіны мае магчымасць увесці мараторый на кадаванне спадарожнікавага сігналу тэлеканалаў, але гэта не вырашыць усяго спектра праблем.
Разам з тым прэзідэнт і прадстаўнікі медыягруп дамовіліся да 16 сакавіка 2020 года забяспечыць запуск незакадзіраваных спадарожнікавых міжнародных версій сваіх агульнанацыянальных тэлеканалаў.
Нагадаем, раней чатыры ўкраінскія медыягрупы ў ноч на 29 студзеня закадзіравалі сігнал сваіх 22 тэлеканалаў на спадарожніку.
У выніку тэлегледачы (у тым ліку ў Беларусі) страцілі магчымасць глядзець самыя папулярныя ўкраінскія тэлеканалы.
Чытайце таксама: Як Украіна сама сабе стрэліла ў нагу, заблакаваўшы сігнал сваіх тэлеканалаў на спадарожніках
