29.02.2020 / 22:07

Дактары падазраюць каранавірус у цесця студэнта-іранца. Чакаюць дадатковага аналізу  + відэастрым са студэнтам 12

Міністэрства аховы здароўя Беларусі расказала пра стан сваякоў дзяўчыны студэнта з Ірана, у якога выяўлены каранавірус. Падазрэнне на каранавірус ёсць у бацькі.

«Бацька знаходзіцца пад падазрэннем, — распавяла прэс-сакратарка Міністэрства аховы здароўя Юлія Барадун. — Клінічнай карціны няма, але адзін з тэстаў даў сумнеўны вынік. Лабараторныя дадзеныя зараз пераправяраць. Гэтак жа, як і ў яго сваякоў — у найбліжэйшыя суткі. Ні ў кога з шпіталізаваных цяпер клінічных праяў няма».

Юлія Барадун паведаміла, што тэмпература ў бацькі дзяўчыны вечарам назіралася 36,2, скаргаў няма.

Першым пра каранавірус у бацькі дзяўчыны расказаў у жывым эфіры са шпіталя сам іранец. Ён спаслаўся на словы медсёстраў з бальніцы.

Інстаграм-відэачат з ім зладзілі яго аднагрупнікі з Беларускага нацыянальнага тэхнічнага ўніверсітэта, якія знаходзяцца на каранціне ў шпіталі ветэранаў вайны.

Сам іранец пачуваецца добра, кажа, што не мае тэмпературы. Але ў часе жывога стрыму праз інстаграм ён трохі кашляў. Ён тлумачыць гэта сваёй астмай і прастудай.

Іранец знаходзіцца ў палаце адзін. Ён і яго аднакурснікі паведамілі, што ў інфекцыйную бальніцу змясцілі таксама тых студэнтаў БНТУ, якія кантактавалі з іранцам і ў якіх выявілі павышаную тэмпературу. 

Нагадаем, што першага ў Беларусі носьбіта каранавіруса выявілі 28 лютага. Гэта студэнт БНТУ з Ірана, які вярнуўся з радзімы 22 лютага. Яго змясцілі ў Мінскую інфекцыйную бальніцу разам з сям'ёй, у якой ён жыў. Ягоных аднагрупнікаў, выкладчыкаў і медперсанал 33-й паліклінікі, з якім ён кантактаваў, адправілі на каранцін у спецыяльна прыстасаваны для гэтага шпіталь ветэранаў вайны імя Машэрава.

Хочаш падзяліцца важнай інфармацыяй ананімна і канфідэнцыйна?

СГ

14
циник / Адказаць
29.02.2020 / 22:26
ну видимо зараза пока в стадии инкубации, как и у всех тех десятков и сотен людей которые успели столкнуться с носителями а потом и друг с другом в метро, магазинах, торговых центрах. т.е. носителей уже огромное количество т.к. пошла цепная реакция и сколько их одному богу известно. где они всех их искать будут если он отказался от госпитализации и ходил себе почти неделю по торговым центрам как и его тесть и подруга.
и что самое интересное, как раз в этот момент в аптеках не оказалось масок... пускай не врут что их раскупили. их там и не было. и до сих пор нет. 
3
Свабода / Адказаць
29.02.2020 / 22:44
Бацька захварэў, дык яшчэ , праславіўся на увесь свет. І чаму пішацца "цесць"?, калі жонка іранца знаходзіцца ў Іране?
4
Вецер валос. / Адказаць
29.02.2020 / 23:01
Скорага выздараўлення!
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру