Міністэрства аховы здароўя паведаміла пра выяўленне трэцяга носьбіта каранавіруса ў Беларусі: у Віцебскай вобласці, жанчына вярнулася з Італіі.

У РНПЦ эпідэміялогіі і мікрабіялогіі адзін з тэстаў, якія былі зроблены ў беларускі, якая пражывае ў Віцебскай вобласці, выявіў фрагмент РНК, які можа належаць тыпу каранавіруса 2019-nCoV.

Беларуска і двое яе калег прыбылі з Італіі. У сувязі з тым, што яны былі непрацяглы час у Паўночнай Італіі, іх выклікалі ва ўстанову аховы здароўя. Тут ва ўсіх, хто прыбыў, узялі тэсты і аналізы. Пацыентаў шпіталівазалі ў Віцебскую абласную клінічную інфекцыйную бальніцу. На сёння стан усіх трох здавальняючы, прыкмет захворвання няма. У двух калегаў жанчыны тэсты адмоўныя.

Ва ўстановах аховы здароўя Беларусі з падазрэннем на каранавірусную інфекцыю знаходзяцца тры пацыенты. Ва ўсіх траіх стан здавальняючы, клінічных праяў хваробы няма.

Хочаш падзяліцца важнай інфармацыяй ананімна і канфідэнцыйна?