03.03.2020 / 09:30

Выратавальнае абнаўленне Windows зноў выклікала сіні экран смерці 4

Карыстальнікі Windows 10 распавялі аб выхадзе чарговага праблемнага абнаўлення. У некаторых выпадках сістэмны апдэйт прыводзіў да фатальных памылак, напрыклад, «сіняга экрану смерці», паведамляе Windows Latest.

Абнаўленне KB4535996 было выпушчана 27 лютага. Яно не з'яўляецца абавязковым, гэта значыць не ўсталёўваецца сістэмай у аўтаматычным рэжыме. Аднак Microsoft рэкамендавала карыстальнікам Windows абнавіцца, бо KB4535996 выпраўляе папярэднія памылкі, уключаючы праблемы з сістэмным пошукам. Выданне звярнула ўвагу, што многія ўладальнікі ліцэнзійных копій Windows паскардзіліся на абнаўленне.

Згодна з водгукамі, часцяком сістэма не можа скончыць ўстаноўку апдэйта, выклікаючы збой і перазагрузку камп'ютара. Частка карыстальнікаў паскардзілася на з'яўленне крытычнай памылкі BSoD, вядомай як «сіні экран смерці». Некаторыя карыстальнікі ўдакладнілі, што пасля паспяховай ўстаноўкі KB4535996 пагоршылася прадукцыйнасць ПК і з'явіліся «выпадковыя завісанні».

У сувязі з тым, што абнаўленне не з'яўляецца абавязковым, журналісты парэкамендавалі не ставіць яго. У выпадку, калі KB4535996 ўжо было інсталявана, карыстальнікам параілі выдаліць яго праз Цэнтр абнаўлення Windows.

З канца лютага Microsoft пачалі падзяляць усе абнаўленні на абавязковыя і дадатковыя, ўстаноўка якіх ажыццяўляецца пры жаданні карыстальніка. Кампанія ўдакладніла, што падобны падыход дасць магчымасць больш тонка наладзіць Windows пад кожнага канкрэтнага карыстальніка.

Хочаш падзяліцца важнай інфармацыяй ананімна і канфідэнцыйна?

0
любите родину мать вашу / Адказаць
03.03.2020 / 10:07
каранавірус, бач ты, дабраўся і да Windows 10! ))
1
Libertarian / Адказаць
03.03.2020 / 22:38
Дзіўна, што за шмат гадоў карыстаньня лінуксам ніякіх такіх праблем не напаткаў, ня кажучы ўжо пра поўную адсутнасьць вірусаў (прынамсі ў маім выпадку)
1
Вацлаў / Адказаць
03.03.2020 / 23:17
Libertarian, усё так.

Шаноўныя беларусы, карыстайма вольнае праграмнае забясьпечаньне дзеля вольнае Беларусі!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру