Сацыяльная сетка Twitter у тэставым рэжыме запусціла новую функцыю, якая нагадвае stories у Instagram. Пра гэта распавёў прадстаўнік Twitter Кайван Бейкпур.
«Мы пачулі вас і працавалі над стварэннем новых магчымасцяў», — напісаў Бейкпур.
Ён распавёў, што кампанія стварыла аналаг stories, якія называюцца Fleets. Новая функцыя дазволіць людзям дзяліцца «хуткаплыннымі» думкамі, якія знікнуць з профілю праз суткі. Fleets з'явяцца ў верхняй частцы стужкі. Адрэагаваць на іх можна толькі з дапамогай эмодзі.
Адзначаецца, што новая функцыя дазволіць карыстальнікам размяшчаць не толькі фатаграфіі, тэкставыя паведамленні, але і відэа.
0
0
0
0
0
0
