Чарговыя праймерыз на вылучэнне адзінага кандыдата ад дэмакратычнай апазіцыі прайшлі ў Мёрах. На сустрэчу нават завіталі прадстаўнікі мясцовай улады, паведамляе фэйсбук-старонка «Адзіны кандыдат 2020».
18 чалавек бралі ўдзел у галасаванні.
Перамогу атрымаў Павел Севярынец з 11 галасамі. 2 галасы ў Вольгі Кавальковай, 4 у Мікалая Казлова, 0 у Янукевіча і Губарэвіча, 1 бюлетэнь прызналі несапраўдным.
Як паведаміў Свабодзе Павел Севярынец, галасаваньне ў Мёрах стала першым, куды завітаў прадстаўнік уладаў.
«На сустрэчу прыйшоў намеснік старшыні Мёрскага райвыканакаму Валер Драба. Ён актыўна ўдзельнічаў, задаваў шмат пытанняў: пра сельскую гаспадарку, пра догляд за дзецьмі. Таксама ён быў адзіным, хто падняў руку, калі мы спыталі, хто лічыць, што ў Беларусі сумленныя выбары. Валер Драба сказаў, што падліковыя камісіі працуюць празрыста і любы можа ў гэтым пераканацца», — расказаў Севярынец.
Фота Сяргея Гудзіліна.
