20.03.2009 / 14:41

Сігнал з Брусэлю перад 25 Сакавіка: Фэрэра‑Вальднэр даслала ліст Сурвіле 4

Еўракамісарка запэўніла старшыню Рады БНР, што яна «асабіста сочыць за падзеямі ў Беларусі і будзе працаваць над далейшымі крокамі ў кірунку дэмакратызацыі».

Эўракамісар Бэніта Фэрэра‑Вальднэр даслала ліст старшыні Рады БНР Івонцы Сурвіле.

Ліст быў дасланы ў адказ на зварот Івонкі Сурвілы у сувязі з рэпрэсіямі супраць актывістаў апазыцыі ў Беларусі, у прыватнасьці, гвалтоўным прызывам у войска некаторых моладзевых актывістаў.

У сваім лісьце Ферера‑Вальднэр сказала, што гэтыя падзеі, як і часовае пазбаўленьне волі за ўдзел у несанкцыянаваных сходах, яе «вельмі турбуюць».

Яна піша, што пад час спатканьня са спадаром Мартынавым ў Брусэлі 27 студзеня Эўразьвяз прызнаў пэўныя пазытыўныя крокі, прынятыя беларускімі ўладамі пасьля вызваленьня палітвязьняў у жніўні 2008 году. Адначасна Фэрэра‑Вальднэр выказала спадзяваньне, што «Беларусь зробіць больш пераканаўчыя захады», і ўлада «устрымаецца ад затрыманьняў людзей за ўдзел у несанкцыянаваных сходах».

Эўракамісар запэўніла старшыню Рады БНР, што яна «асабіста сочыць за падзеямі ў Беларусі і будзе працаваць над далейшымі крокамі ў кірунку дэмакратызацыі».

0
Ula / Адказаць
20.03.2009 / 21:34
А каналізацыі???
0
Ясь / Адказаць
21.03.2009 / 00:29
Адначасна Фэрэра‑Вальднэр выказала спадзяваньне, што ўлада «устрымаецца ад затрыманьняў людзей за ўдзел у несанкцыянаваных сходах». Спадарыня Фэрэра‑Вальднэр, ды каго там затрымліваць? Пяць дзесяткаў дзецюкоў ад МФ і Лябедзьку. што выйдуць на вуліцу? Астатнія ж "змагары за волю" застануцца дома. Седзячы на д... дадуць пакурыць на форуме і белсату. і демократам, і лукашэнку. Эфектыўна ды эфектоўна, адным махам :)
0
Джон / Адказаць
21.03.2009 / 02:19
Вельмі прыемная навіна. Віншую сп-ню Сурвіллу і сяброў Рады БНР з яшчэ адной прыступкай уверх на міжнароднай арэне.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру