Кіраўнікі дзяржаўных устаноў і прадпрыемстваў Слоніма (Гродзенская вобл.) на гэтым тыдні атрымалі ліст ад галоўнага рэдактара дзяржаўнай раённай газеты «Слонімскі веснік» Марыі Данюк з просьбай аформіць на гэтае выданне індывідуальную падпіску кожнаму супрацоўніку. «За кошт работнікаў, прафкама альбо арганізацыі», — пазначаецца ў лісце.
Як паведамляецца ў звароце, гэта робіцца «з мэтай выканання распараджэння кіраўніка раёна Іосіфа Паўлюкевіча і рэалізацыі рэспубліканскай і раённай праграм развіцця дзяржаўнай газеты “Слонімскі веснік” па забеспячэнні падпіснога накладу на 2-гі квартал 2009 года».
Больш за тое, да 25 сакавіка кожнаму кіраўніку дзяржустановаў неабходна зрабіць справаздачу — пісьмова праінфармаваць ідэалагічны аддзел райвыканкама, пералічыўшы колькасць работнікаў калектыву і колькасць падпісчыкаў на «Слонімскі веснік».
Паводле спн. Данюк, з гэтымі звесткамі будзе азнаёмлены кіраўнік Слонімскага раёна.
Нагадаем: літаральна на мінулым тыдні, 12 сакавіка, новапрызначаны гендырэктар РУП “Белпошта” Юрый Комар адмовіў у распаўсюдзе праз падпіску недзяржаўным слонімскім рэгіянальным выданням «Газета Слонімская» і «Отдушина».
Цяпер чытаюць
Споведзь Стрыжака: Я маю праблему з сэксуальнай залежнасцю23
Каментары