12.03.2020 / 16:52

Каранавірус: Швецыя спыняе поўны ўлік інфікаваных і шпіталізацыю маладых — занадта дорага 13

Швецыя будзе тэсціраваць на каранавірус толькі шпіталізаваных і з груп рызыкі. Маладым прапануецца перахварэць дома.

У сувязі з рэзкім ростам колькасці выпадкаў каранавіруса і колькасці ахвотных праверыцца ў Стакгольме пераходзяць на новыя прынцыпы тэсціравання, паведамляе выданне Dagens Nyheter.

«Цяпер мы мусім прыняць як факт тое, што інфекцыя ўжо распаўсюдзілася ўнутры краіны і нам застаецца зрабіць усё, каб ёю заразілася як мага менш людзей», — паведаміў Эрык Берглунд, кіраўнік прэс-службы рэгіёна Стакгольм.

Пачынаючы з серады, тэсты на каранавірус будуць рабіць толькі тым, у каго ёсць патрэба ў шпіталізацыі. 

«Калі вам 20 гадоў і вы чалавек без хранічных захворванняў, вам трэба проста пасядзець дома і перахварэць. Нават калі ў вас ёсць сімптомы каранавіруса, тэст вам рабіць не будуць. Незалежна ад таго, ці былі вы ў кантакце з носьбітамі каранавіруса альбо не», — паведаміў чыноўнік.

Маладым інфікаваным рэкамендуецца проста заставацца дома і не кантактаваць з людзьмі.

У той жа час старых людзей з падазрэннем на каранавірус будзе наведваць спецыяльная брыгада медыкаў і тэст праводзіцца будзе. 

Рашэнне абмежаваць выяўленне заражаных было прынятае, бо ранейшы падыход патрабаваў зашмат рэсурсаў. «Ахова здароўя павінна бараніць слабейшых», — сказаў чыноўнік.

Гэта азначае, што Швецыя адмаўляецца ад далейшага поўнага ўліку інфікаваных і іх кола кантактаў дзеля эканоміі сродкаў.

Па стане на 16.00 12 сакавіка ў Швецыі было зафіксавана 599 заражэнняў.

Хочаш падзяліцца важнай інфармацыяй ананімна і канфідэнцыйна?

Сяргей Гезгала

50
Лістападаўскі Ґаспадар / Адказаць
12.03.2020 / 17:03
Затое прымаць варвараў, якія ўзвысілі ўзровень згвалтаваньняў у некалькі разоў ім ня дорага. 
10
Зiма / Адказаць
12.03.2020 / 17:59
Гэта iмпартная iдэя мусiць добра прыжыцца на нашай глебе. Адразу б так.
22
Яўгенка / Адказаць
12.03.2020 / 18:11
Падаецца, дрэнны выбар. Без ізаляцыі яны будуць распаўсюднікамі. Чакайма, што там будзе самы высокі адсотак заражэньняў.
Паказаць усе каментары/ 13 /
Каб пакінуць каментар, калі ласка, актывуйце JavaScript у наладах свайго браўзеру