13.03.2020 / 05:52

Каранавірус выявілі ў галоўнага трэнера «Арсенала»

Фота з інстаграма Мікеля Артэты

Каранавірусную інфекцыю COVID-19 выявілі ў галоўнага трэнера лонданскага футбольнага клуба «Арсенал» Мікеля Артэты. Пра гэта гаворыцца ў заяве, апублікаванай на сайце клуба.

«Персанал каманды, які нядаўна цесна кантактаваў з Мікеле, адправіцца на самаізаляцыю ў адпаведнасці з дырэктывамі ўрада», — гаворыцца ў паведамленні.

Адзначаецца, што на каранцін павінны трапіць усе гульцы і трэнерскі штаб каманды, а таксама некаторыя футбалісты з акадэміі. У камандзе выказалі надзею на тое, што тыя, хто кантактавалі з Артэтай, у найбліжэйшы час вернуцца да працы.

«Шкада, што так атрымалася, але я здаў тэст пасля таго, як адчуў сябе дрэнна. Я зноў буду працаваць, як толькі мне дазволяць », — заявіў іспанскі спецыяліст.

Хочаш падзяліцца важнай інфармацыяй ананімна і канфідэнцыйна?

NN.by

Каб пакінуць каментар, калі ласка, актывуйце JavaScript у наладах свайго браўзеру