Прэзідэнт ЗША Дональд Трамп заявіў, што, «хутчэй за ўсё», здасць тэст на каранавірус у найбліжэйшы час, піша Reuters.
«Хутчэй за ўсё, так», — сказаў Трамп, адказваючы на пытанне журналіста на прэс-канферэнцыі.
Пры гэтым прэзідэнт ЗША падкрэсліў, што рашэнне не звязана з тым, што ён кантактаваў з кіраўніком сакратарыята па грамадскіх камунікацыях адміністрацыі прэзідэнта Бразіліі Фабіа Вайнгартэнам, у якога пасля выявілі каранавірус.
«Не па гэтай прычыне, а таму што, я думаю, я зраблю яго ў любым выпадку…» — адзначыў Трамп.
У сваю чаргу прэзідэнта Бразіліі Жаіра Балсанару, які сустракаўся з Дональдам Трампам у ЗША менш за тыдзень таму, паўторна пратэсціруюць на каранавірус, паведамляе Reuters.
Тэставанне правядуць у пачатку наступнага тыдня, каб выключыць верагоднасць таго, што ў прэзідэнта Бразіліі з'явіўся вірус.
