15.03.2020 / 11:23

База адрасоў хворых у публічным доступе і татальны кантроль. Як Сінгапуру ўдалося стрымаць Covid-19 — расказвае беларуска 8

Першы выпадак каранавіруса ў Сінгапуры зафіксавалі яшчэ 23 студзеня. На сёння такіх выпадкаў 212 — і ніводнай смерці.

Гэта пры тым, што шчыльнасць насельніцтва тут надзвычай высокая, а краіна — адзін з асноўных дзелавых партнёраў Кітая.

Сінгапур не ўводзіў татальны каранцін, але распрацаваў паслядоўную сістэму прафілактыкі, расказала беларуска Таццяна Івашэвіч, якая была ў Сінгапуры ў час пандэміі.

Фота Lily Banse, unsplash.com.

Каб не даць вірусу хутка распаўсюджвацца, дактары тут адсочваюць кожнага хворага і ланцужкі яго кантактаў.

І не толькі дактары.

Пра кожны выпадак мясцовая прэса дае падрабязную інфармацыю. Узрост хворага, ад каго і дзе заразіўся, дзе жыве, кім працуе, куды заходзіў. Ёсць нават мабільны дадатак, дзе адзначаны гэтыя адрасы. Каб кожны мог пільнавацца, калі ён быў у тым месцы ў той час.

Распісаны ўсе агмяні захворвання. Напрыклад, адна група — гэта тыя, хто святкаваў кітайскі Новы год у такім і такім рэстаране, другая — прыхаджане такой і такой царквы, трэцяя — супрацоўнікі такой і такой ІТ-кампаніі і г.д. Гэта ў тым ліку і для таго, каб людзі, якія магчыма кантактавалі з хворым, але выпалі з поля зроку медыкаў, самі звярнуліся ў шпіталь.

У Сінгапуры інфармацыю пра хворых (без называння імён) лічаць публічна важнай, а не медычнай таямніцай.

Сінгапурская газеты The Straits Times зрабіла мультымедыйны праект пра ўсе кейсы.

На ўваходзе ў фітнэс-цэнтры, храмы, адміністрацыйныя будынкі наведнікам мераюць тэмпературу і запісваюць іх дадзеныя ў журнал.

Калі раптам акажацца, што тут быў хворы на каранавірус, гэта дапаможа вылічыць кола кантактаў. Плюс па горадзе вісіць вельмі шмат камер відэаназірання — для вывучэння запісаў з іх на час пандэміі нанялі асобных «дэтэктываў».

Цяпер у крамах ажыятажу няма. Але першыя дні была паніка. Людзі змяталі з прылаўкаў прадукты, якія доўга захоўваюцца, туалетную паперу. Вырас попыт на… прэзерватывы.

Іх выкарыстоўвалі, як напалечнікі, каб націскаць на кнопку ў ліфце. Пасля на пакупкі ўлады ўвялі абмежаванні — у адны рукі адпускаць не больш за два пачкі рысу, чатыры — макароны, дзве ўпакоўкі туалетнай паперы і г.д.

Межаў Сінгапур не закрываў, але забараніў уезд тым, хто быў у краінах моцнага распаўюджвання эпідэміі — у Кітаі, Паўднёвай Карэі, Іране, Паўночнай Італіі (ад панядзелка у гэты спіс дададуцца Іспанія, Францыя і Германія). Забарона тычыцца ў тым ліку і транзітных рэйсаў.

У медустановы і пункты ўезда набралі часовых супрацоўнікаў, якія мераюць тэмпературу. Спецыяльнай адукацыі не патрабавалася — запрашалі любога, каму споўнілася 18.

Тым, хто паспрабуе схаваць свой стан здароўя, пагражае сур’ёзнае пакаранне — штраф да $7000 ці арышт на тэрмін да паўгода.

Фота Duy Nguyen, unsplash.com.

Трэба таксама ўлічваць, што ў Сінгапуры надзвычай эфектыўная медыцына (і высокі ўзровень даверу насельніцтва да яе), што дапамагае ратаваць хворых у крытычным стане.

Сінгапур — гэта горад-дзяржава ў Паўднёва-Усходняй Азіі з прыкладна 5,6 мільёна жыхароў. Гэта высокаразвітая краіна і пры гэтым паўаўтарытарны палітычны рэжым, адзіны такога кшталту сярод эканамічна перадавых краін.

Беларуска Таццяна Івашэвіч падарожнічае па Азіі і была ў Сінгапуры пару дзён таму. Яна падзялілася сваімі назіраннямі.

«На памежным кантролі ў аэрапорце задавалі пытанне пра наведаныя краіны за апошнія 14 дзён. Афіцэр уважліва разглядала кожны штамп у маім пашпарце», — расказвае Таццяна.

Досвед Сінгапура атрымаў высокую ацэнку Сусветнай арганізацыі аховы здароўя, нароўні з падыходам Паўднёвай Карэі. Хоць гэтыя краіны, як суседзі Кітая, былі сярод першых ахвяр віруса, ім удалося даволі хутка знізіць колькасць заражэнняў. А лічба смяротных выпадкаў у іх вельмі нізкая. Па стане на ранак 15 сакавіка ў Карэі памерлі 76 чалавекі з 8172 заражаных, у Сінгапуры — 0 з 212.

Лічба новых заражэнняў зніжаецца, хоць новыя кластары перыядычна з'яўляюцца — і гэта непазбежна, пакуль каранавірус ходзіць па планеце.

І Карэя, і Сінгапур, (і Беларусь таксама) дзейнічаюць метадам масавага тэсціравання кола «першага кантакту» і «другога кантакту». Але ёсць і два вялікія адрозненні. І Карэя, і Сінгапур выкарыстоўвалі для выяўлення кола кантактаў заражаных даныя з сістэм відэаназірання і мабільных сетак. А ўся інфармацыя пра выпадкі заражэння адразу робіцца публічнай, каб людзі самі маглі перасцерагацца. Беларуская санітарная служба гэтага не робіць.

Таццяна адзначае, што ў горадзе паўсюль вісяць аб’явы пра асноўныя правілы паводзін падчас распаўсюджвання віруса, шмат дзе прымацаваны да сценаў антысептычныя сродкі. Маскі надзетыя ў асноўным толькі ў абслугоўваючага персанала.

Бары і крамы адкрыты, але на ўваходзе ўсіх правяраюць.

Беларуска таксама расказвае, што Сінгапур карыстаецца дронамі. Яны здольныя не толькі на тое, каб рабіць замеры тэмпературы з паветра. Дроны могуць распыляць дэзінфекуючыя сродкі з вышыні і патруляваць вялізныя плошчы.

Гэта не адзіная тэхналагічная навацыя.

«Дзякуючы сінгапурскаму стартапу KroniKare тэмпературу можна выяўляць з дапамогай камер з тэрмачуйнікамі. Як гэта працуе? Спецыяльная сістэма з дапамогай інфрачырвонага выпраменьвання і камп’ютарнага зроку дапамае выявіць тэмпературу да 200 чалавек за хвіліну. Дадзеныя выводзяць на спецыяльны манітор.

Гэтая тэхналогія працуе ва ўсіх публічных месцах: на ўваходзе ў гандлёвыя цэнтры, кінатэатры, вялікія прадуктовыя крамы, банкі, лякарні. Калі тэмпература чалавека вышэй за 37,3, сістэма пачынае сігналізаваць пра небяспеку».

Нават на ўваходзе ў гатэль Таццяна праходзіла кантроль: ёй кожны раз мералі тэмпературу спецыяльным прыборам.

Такі строгі кантроль дазволіў Сінгапуру своечасова выяўляць патэнцыйных пераносчыкаў віруса.

Хочаш падзяліцца важнай інфармацыяй ананімна і канфідэнцыйна?

Наталля Лубнеўская

4
Генэрал Голад / Адказаць
15.03.2020 / 11:25
Дам тэкст з расейскага інтэрнэт-выданьня: 

А вот и ответ на вопрос, почему в соседних странах тысячи заболевших, а в России тишь и божья благодать и как сейчас по-тихому в РФ умирают от COVID-2019?
Очень просто. На высокую t-тела, кашель, одышку вызывают СП.Врач приезжает, слушает лёгкие, слышит резкое ослабление дыхания, проверяет SpO2 пульсоксиметром, видит снижение сатурации (содержание О2) ставит д-з: пневмония и везёт в деж.больницу.
В больнице (общего профиля, заметьте!) страдальцу делают Rh-графию, КТ грудной клетки (чем богаты) видят рентгенологические признаки пневмонии и начинают лечить антибиотиками. Никакой ПЦР к ДНК вирусов не делают, разумеется, потому что ЛПУ общего профиля, и там этим не балуются.
Через 12-24 часа у пациента падает сатурация, нарастает гипоксия, ему начинают давать О2 через носовой катетер, но сатурация всё равно падает, и его переводят в реанимацию, где дежурный реаниматолог ставит д-з: "отёк лёгких", сажает страдальца "на трубу" и начинает вентилировать.
Заметьте, этиологию пневмонии по прежнему никто не знает. Да и откуда в Орской ЦРБ праймеры для ПЦР к РНК вируса COVID-2019? Реаниматолог в течение 2-4 часов борется с отёком лёгких (вводит гормоны, включает режим ПДКВ на респираторе), всё это, разумеется безуспешно, и наконец => больной "останавливается". Врач проводит стандартные реанимационные мероприятия, но завести сердце после гипоксической остановки в условиях когда гипоксия не устранена,ещё никому не удавалось, а если удавалось,то сердце снова останавливается.Поэтому пациент отправляется в патанатомию.
В морге патологоанатом на аутопсии видит типичную картину пневмонии с интерстициальным отёком лёгких. Задумывается. Смотрит в карту пациента, не видит там никаких анализов на микробиологию (какая флора на фоне антибиотиков??), разумеется не видит никакого ПЦР-теста на РНК вирусов.
И думает: вирус. Мало ли вирусов могут вызвать пневмонию?
Дофига! И случай закрывается как обычный. И так будет продолжаться до тех пор пока кто-нибудь из медперсонала этого ЛПУ контактировавшего с пациентом, не заболеет и не умрёт при той же клинической картине.
Таким образом, пока не станут регулярно повторяться смертельные случаи у медперсонала ЛПУ, контактировавшего с пациентами, умершими от "банальной" вирусной пневмонии, спорадические случаи можно будет списывать на грипп, аденовирус, РСВ, происки Трамп или Обамы. Тем более, что ПЦР нет в 70% российских ЛПУ!
1
Грамазека / Адказаць
15.03.2020 / 13:33
Аднойчы и теплавизар страляе
9
Ёпрст / Адказаць
15.03.2020 / 13:54
Нашыя мінздраваўскія бюракраты параўноўваюць тэхнічныя магчымасці і дысцыпліну насельніцтва у Сінгапуры з Беларуссю? Хлусы і засланцы рэжыму! Хто кантралюе мяжу  з Расеяй? Вось што піша мільярдэр Дзерыпаска:
"Коронавирус может развалить страну похуже, чем в 1991 году"
Чытайце мільярдэра Дзерыпаску, ідыёты!
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру