15.03.2020 / 13:35

Нягледзячы на каранавірус, вялізная яўка на праймэрыз у Пінску. Севярынец адстаў 17

Больш за 100 чалавек сабраліся ў Пінску на перадвыбары адзінага кандыдата ад дэмакратычнай апазіцыі. Перамогу яны аддалі кіраўніку Руху «За свабоду» Юрыю Губарэвічу.

Ураджэнец Берасцейшчыны, ён учора перамог таксама ў Драгічыне і заняў другое месца на сходзе ў абласным цэнтры. 

Губарэвіч, які стаіць на ліберальна-кансерватыўных пазіцыях, спадзяецца, што з прыцягненнем да праймэрыз увагі шырэйшага кола людзей ён здолее абысці хрысціянскага дэмакрата Паўла Севярынца. 

Абодва кандыдаты выступаюць за ўмацаванне незалежнасці, рынкавыя пераўтварэнні і змену сістэмы ў краіне, але разыходзяцца ў тактычных і сацыяльных пытаннях.

Галасы ў Пінску размеркаваліся наступным чынам:

Юрась Губарэвіч — 48, Павел Севярынец — 45 галасоў, Мікалай Казлоў — 4, Аляксей Янукевіч — 3, Вольга Кавалькова — 0. Несапраўдны бюлетэнь — 1.

Агульны залік: Севярынец — 322, Губарэвіч — 170, Казлоў — 42, Кавалькова — 19, Янукевіч — 14.

«Гэта лагічны вынік, калі на сходы пачынаюць прыходзіць не ангажаваныя ў дзейнасць партыйных структур людзі», — сказаў «Нашай Ніве» пасля перамогі ў Пінску Юрась Губарэвіч.

«Папулістычныя лозунгі не знаходзяць падтрымкі ў шырэйшай аўдыторыі», — заўважае ён. 

Юрась Губарэвіч. 

«Перамагчы можна, калі апазіцыйны кандыдат аб'яднае пратэставую большасць», — кажа Юры Губарэвіч. 

Сёння перадвыбары пройдуць таксама ў Століне — у кавярні на вуліцы Церашкова 60, корпус 2), а ў аўторак — у Баранавічах, у кавярні «Папараць-кветка» (вул. Камсамольская 23, корпус 1). 

Хочаш падзяліцца важнай інфармацыяй ананімна і канфідэнцыйна?

Сяргей Гезгала; фота Сяргея Гудзіліна

6
Жвір / Адказаць
15.03.2020 / 13:47
Sieviaryniec toļki na 3 miača adstaū ad Hubareviča ! I heta ū paliešukoū ! Taki vynik možna ličyc` pospiecham ! 

Nu, a Hubareviču pavinna byc` prykra... U svaich rodnych balacinach nia miec` bačnaj pieravahi... Vysnova: Nia liubiac` Hubareviča na Paliessi ...

Kavaļkova ū ahuļnym zaliku abskočyla Janukieviča. Nu, dumaju, sto badacca z Kazlovym joj nie pa silach budzie, a vos` Janukieviča jana pieraūzyjdzie...
18
Аnita / Адказаць
15.03.2020 / 13:54
Уже и цифры не хочу комментировать, бесполезно.
4
Pcholkin / Адказаць
15.03.2020 / 13:59
«Гэта лагічны вынік, калі на сходы пачынаюць прыходзіць не ангажаваныя ў дзейнасць партыйных структур людзі» ======================= Так разумець: ...а прыходзяць землякі?
Паказаць усе каментары/ 17 /
Каб пакінуць каментар, калі ласка, актывуйце JavaScript у наладах свайго браўзеру